Texts

yat tvā māṃse apavavau yan manthe yad odane / (1.1) Par.?

agniṣ ṭvā viśvabheṣajas tasmāt pātv aṃhasaḥ // (1.2) Par.?

yas tvā vāta āvāty adharād uttarād uta / (2.1) Par.?

āpo yā viśvaśaṃbhuvas tās tvā pāntv aṃhasaḥ // (2.2) Par.?

apa tvan mṛtyuṃ nirṛtim apa yakṣmaṃ ni dadhmasi / (3.1) Par.?

yathā tvam arapā asa udojā uttaro bhuvaḥ // (3.2) Par.?

vaiśvānaro raśmibhir ity ekā // (4.1) Par.?

prajāpatir ṛtubhiḥ pañcabhiḥ saṃvatsaro dhāmabhiḥ pātu viśvaiḥ / (5.1) Par.?

ihaiva prāṇaḥ sakhye no astu tam ātmani punar ā veśayāmi // (5.2) Par.?

vaiśvadevīṃ sūnṛtām ā rabhadhvaṃ śuddhā bhavantaḥ śucayaḥ pāvakāḥ / (6.1) Par.?

tayā gṛṇantaḥ sadhamādeṣu vayaṃ syāma patayo rayīṇām // (6.2) Par.?

vaiśvānarīṃ varcasa ā rabhadhvaṃ yasyā āśās tanvo vītapṛṣṭhāḥ / (7.1) Par.?

iḍayeha sadhamādaṃ madanto jyok paśyema sūryam uccarantam // (7.2) Par.?

avatkaṃ mama bheṣajam avatkaṃ parivācanam / (8.1) Par.?

narācy asi mā tudo vanvānā rogabheṣajam // (8.2) Par.?

śambhuleham ihā hara tam u kṣīra udaśviti / (9.1) Par.?

tad āsrāvasya bheṣajaṃ tad u rogam anīnaśat // (9.2) Par.?

nadīṣu naḍvalāsu kumbheṣu kalaśeṣu ca pratīṣecanabheṣajam / (10.1) Par.?

tat te kṛṇomi bheṣajam addhi māṃsaṃ pibodakaṃ paṭpaṭiṅgaṃ vipaśyalaṃ vi paśya // (10.2) Par.?

avidāma yad aicchāma piśācakṣayaṇaṃ haviḥ / (11.1) Par.?

tena kravyādo hanmaḥ sarvāś ca yātudhānyaḥ // (11.2) Par.?

icchanti tvā padātaya icchanti rathinas tvā / (12.1) Par.?

krīṇanti gobhir aśvair amṛtasyeva vā asi // (12.2) Par.?

amamri nāma bheṣajaṃ pṛthivyā adhy udbhṛtam / (13.1) Par.?

vaktā tan mahyam abravīd idaṃ gha pārayād iti // (13.2) Par.?

cakṣur asi puruṣasya cakṣur goś cakṣur arvataḥ / (14.1) Par.?

cakṣur bhūtasya bhavyasya cakṣur apsarasām asi // (14.2) Par.?

cakṣur asi suparṇasya cakṣur aher atho śunaḥ / (15.1) Par.?

cakṣuḥ sarvasya paśyato atho yad viśvam ejati // (15.2) Par.?

ādadānaṃ sahasrākṣaṃ pratispāśanam abruvam / (16.1) Par.?

darśaya mā yātudhānān darśaya yātudhānyaḥ // (16.2) Par.?