UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 14088
- Click on a sentence to show its analysis
- Keep the mouse pointer over a lemma to show its meanings.
brahma jajñānaṃ prathamaṃ purastād vi sīmataḥ suruco vena āvaḥ / (1.1)
Par.?
sa budhnyā upamā asya viṣṭhāḥ sataś ca yonim asataś ca vivaḥ // (1.2)
Par.?
hiraṇyagarbhaḥ samavartatāgre bhūtasya jātaḥ patir eka āsīt / (2.1)
Par.?
sa dādhāra pṛthivīṃ dyām utemāṃ kasmai devāya haviṣā vidhema // (2.2)
Par.?
adbhyaḥ saṃbhṛtaḥ pṛthivyā rasāc ca viśvakarmaṇaḥ samavartatādhi / (3.1)
Par.?
tasya tvaṣṭā vidadhad rūpam eti tat puruṣasya devam ājānam agre // (3.2)
Par.?
drapsaś caskanda / (4.1)
Par.?
namo astu sarpebhyo ye ke ca pṛthivīm anu / (4.2)
Par.?
ye antarikṣe ye divi tebhyaḥ sarpebhyo namaḥ // (4.3)
Par.?
ya iṣavo yātudhānānāṃ ye vanaspatīnām / (5.1)
Par.?
ye 'vaṭeṣu śerate tebhyaḥ sarpebhyo namaḥ // (5.2)
Par.?
ye amī rocane divo ye vā sūryasya raśmiṣu / (6.1)
Par.?
ye apsu ṣadāṃsi cakrire tebhyaḥ sarpebhyo namaḥ // (6.2)
Par.?
kṛṇuṣva pājaḥ prasitiṃ na pṛthvīṃ yāhi rājevāmavaṁ ibhena / (7.1)
Par.?
tṛṣvīm anu prasitiṃ drūṇāno 'stāsi vidhya rakṣasas tapiṣṭhaiḥ // (7.2)
Par.?
tava bhramāsa āśuyā patanty anuspṛśa dhṛṣatā śośucānaḥ / (8.1)
Par.?
tapobhir agne juhvā pataṅgān asaṃdito visṛja viṣvag ulkāḥ // (8.2)
Par.?
prati spaśo visṛjā tūrṇitamo bhavā pāyur viśo asyā adabdhaḥ / (9.1)
Par.?
yo no dūre aghaśaṃso yo anty agne mākiṣ ṭe vyathir ādadharṣīt // (9.2)
Par.?
ud agne tiṣṭha praty ā tanuṣva ny amitraṃ oṣatāt tigmahete / (10.1) Par.?
yo no arātiṃ samidhāna cakre nīcā taṃ dhakṣy atasaṃ na śuṣkam // (10.2)
Par.?
ūrdhvo bhava pratividhyādhy asmad āviṣkṛṇuṣva daivyāny agne / (11.1)
Par.?
ava sthirā tanuhi yātujūnāṃ jāmim ajāmiṃ pramṛṇīhi śatrūn // (11.2)
Par.?
ayam agniḥ sahasriṇo vājasya śatinas patiḥ / (12.1)
Par.?
mūrdhā kavī rayīṇām // (12.2)
Par.?
agneṣ ṭvā tejasā sādayāmi / (13.1)
Par.?
tayā devatayāṅgirasvad dhruvā sīda // (13.2)
Par.?
bhuvo yajñasya rajasaś ca netā yatrā niyudbhiḥ sacase śivābhiḥ / (14.1)
Par.?
divi mūrdhānaṃ dadhiṣe svarṣāṃ jihvām agne cakṛṣe havyavāham // (14.2)
Par.?
indrasya tvaujasā sādayāmi / (15.1)
Par.?
tayā devatayāṅgirasvad dhruvā sīda / (15.2)
Par.?
dhruvāsi dharuṇā / (15.3)
Par.?
astṛtā viśvakarmaṇā sudhṛtā / (15.4)
Par.?
mā tvā samudra udvadhīn mā suparṇaḥ / (15.5)
Par.?
avyathamānā pṛthivīṃ dṛṃha / (15.6)
Par.?
tejo me yaccha / (15.8)
Par.?
pṛthivīṃ yaccha / (15.9)
Par.?
pṛthivīṃ dṛṃha / (15.10)
Par.?
pṛthivīṃ mā hiṃsīḥ / (15.11)
Par.?
pṛthivyā mā pāhi / (15.12)
Par.?
jyotir asi / (15.13)
Par.?
jyotir me yaccha / (15.14)
Par.?
antarikṣaṃ yaccha / (15.15)
Par.?
antarikṣaṃ dṛṃha / (15.16)
Par.?
antarikṣaṃ mā hiṃsīḥ / (15.17)
Par.?
antarikṣān mā pāhi / (15.18)
Par.?
svar me yaccha / (15.20)
Par.?
divaṃ yaccha / (15.21)
Par.?
divaṃ dṛṃha / (15.22)
Par.?
divaṃ mā hiṃsīḥ / (15.23)
Par.?
divo mā pāhi / (15.24)
Par.?
yās te agna ārdrā yonayo yāḥ kulāyinīr ye te agnā indavo yā u nābhayaḥ / (15.25)
Par.?
tābhiṣ ṭvam ubhayībhiḥ saṃvidānaḥ prajānaṃs tanveha niṣīda // (15.26)
Par.?
kāṇḍātkāṇḍāt prarohantī paruṣaḥparuṣas pari / (16.1)
Par.?
evā no dūrve pratanu sahasreṇa śatena ca // (16.2)
Par.?
yā śatena pratanoṣi sahasreṇa virohasi / (17.1)
Par.?
tasyai te devīṣṭake vidhema haviṣā vayam // (17.2)
Par.?
Duration=0.15461707115173 secs.