Texts

athaitāṃ svareṇa triṣṭubham abhyārohati // (1) Par.?

prāṇaḥ svaraḥ // (2) Par.?

puruṣasaṃmita eṣa yat pavamānaḥ // (3) Par.?

svāraṃ purastād bhavati svāram upariṣṭāt // (4) Par.?

tāv imau puruṣasya prāṇāpānau viparyūḍhau // (5) Par.?

tābhyāṃ viṣvañci svarati // (6) Par.?

atha rathantaram // (7) Par.?

retassiktir eva sā // (8) Par.?

atha vāmadevyaṃ svāram // (9) Par.?

prāṇo vai svaraḥ // (10) Par.?

asminn evaitad retasi sikte prāṇaṃ pratidadhāti // (11) Par.?

atha naudhasaṃ nidhanam // (12) Par.?

janmaiva tat // (13) Par.?

praiva tena janayati // (14) Par.?

atha kāleyam aiḍam // (15) Par.?

paśavo vā iḍā // (16) Par.?

annaṃ paśavaḥ // (17) Par.?

yad eva jātābhyo 'nnādyaṃ pratidhīyate tad evaitat // (18) Par.?

athārbhavasya pavamānasya gāyatry uktabrāhmaṇā // (19) Par.?

athaitāṃ svareṇa kakubham abhyārohati // (20) Par.?

prāṇaḥ svaraḥ // (21) Par.?

vivṛha eva kakup // (22) Par.?

vivṛha eva tat prāṇaṃ dadhāti // (23) Par.?

sa yan nidhanenābhyārohed vajro vai nidhanaṃ yathopatāpinaṃ daṇḍena hanyāt tādṛk tat // (24) Par.?

atha yat svareṇābhyārohati prāṇam evāsyām etad dadhāti // (25) Par.?

bhiṣajyaty evainām etena // (26) Par.?

athaitāṃ nidhanenoṣṇiham abhyārohati // (27) Par.?

vajro vai nidhanam // (28) Par.?

paśava uṣṇik // (29) Par.?

jīrṇā ivaitarhi tṛtīyasavane paśavo bhavanti // (30) Par.?

tasmāj jīrṇaṃ paśum āhur artham enena kurvīteti // (31) Par.?

atho vajreṇābhipatya śāsena vikāraṃ bhuñjate // (32) Par.?

atha yan nidhanena bṛhatīṃ paricakṣate yuvāna ivaitarhi paśavo bhavanty ajīrṇā iva // (33) Par.?

tasmād yuvānaṃ paśum āhur jīvacaraṇī na iti // (34) Par.?