Texts

dive tvāntarikṣāya tvā pṛthivyai tveti // (1) Par.?

avaṭe 'po 'vanayati śundhatāṃ lokaḥ pitṛṣadana iti // (2) Par.?

yavān praskandayati yavo 'si yavayāsmad dveṣo yavayārātīr iti // (3) Par.?

barhirhastaṃ vyatiṣajyāvastṛṇāti pitṝṇāṃ sadanam asīti // (4) Par.?

athainaddhiraṇyam antardhāya sruvāhutyābhijuhoti pitṛbhyaḥ svāheti // (5) Par.?

athainām ucchrayaty ud divaṃ stabhānāntarikṣaṃ pṛṇa pṛthivīṃ dṛṃheti // (6) Par.?

athaināṃ prācīnakarṇāṃ minoti dyutānas tvā māruto minotu mitrāvaruṇayor dhruveṇa dharmaṇeti // (7) Par.?

athaināṃ pradakṣiṇaṃ purīṣeṇa paryūhati brahmavaniṃ tvā kṣatravaniṃ suprajāvaniṃ rāyaspoṣavaniṃ paryūhāmīti // (8) Par.?

maitrāvaruṇadaṇḍena saṃhanti brahma dṛṃha kṣatraṃ dṛṃha prajāṃ dṛṃha rāyaspoṣaṃ dṛṃheti // (9) Par.?

anyūnam anatiriktaṃ parinyasyodapātram upaninīya // (10) Par.?

athāsyai viśākhe hiraṇyaṃ nidhāya sruvāhutyābhijuhoti ghṛtena dyāvāpṛthivī āpṛṇethāṃ svāheti // (11) Par.?

āntam anvavasrāvayati // (12) Par.?

āntam eva yajamānaṃ tejasānaktīti brāhmaṇam // (13) Par.?

athainām udgātṛbhyaḥ prāhuḥ // (14) Par.?

tasyāṃ tac ceṣṭanti yat te viduḥ // (15) Par.?

etasyā ucchrayaṇam anu prācīnakarṇā sthūṇā ucchrayanti // (16) Par.?

tāsūdīco vaṃśān prohanti // (17) Par.?

adhyasyanti madhyamaṃ chadir indrasya sado 'sīti // (18) Par.?

viśvajanasya chāyeti ye abhito bhavataḥ // (19) Par.?

navacchadi tejaskāmasya minuyād iti // (20) Par.?

trīṇi trīṇy eva sarvāṇi bhavanti // (21) Par.?

dakṣiṇāny uttarāṇi karoti // (22) Par.?

sa dakṣiṇāni dakṣiṇāny evottarāṇi karoti // (23) Par.?

antarvartān karoti vyāvṛttyā iti // (24) Par.?

sandhiṣu tṛṇavartān pratyasyati // (25) Par.?

te 'ntarvartāḥ // (26) Par.?

athainat pariśrayanti pari tvā girvaṇo gira imā bhavantu viśvato vṛddhāyum anu vṛddhayo juṣṭā bhavantu juṣṭaya iti // (27) Par.?

dakṣiṇataś cottarataś ca pariśrayanti // (28) Par.?

prācīṃ ca pratīcīṃ ca dvārau kurvanti // (29) Par.?

atha dakṣiṇe dvārbāhau kuśahastam upanigṛhya darbhaṇaṃ pravayati darbhaṇe spandyām indrasya syūr asīti // (30) Par.?

indrasya dhruvam asīti granthiṃ karoti // (31) Par.?

taṃ tadānīm eva visrasyāhākurvanto granthīn hastakauśalair nistiṣṭhateti // (32) Par.?

evam evottaraṃ dvārbāhum // (33) Par.?

evam apare dvārbāhū nistiṣṭhati // (34) Par.?

athainad abhimṛśaty aindram asīndrāya tveti // (35) Par.?

atha mahāvedyā uttarād aṃsīyāc chaṅkor vedyantenāṣṭādaśa pratīcaḥ prakramān prakrāmati // (36) Par.?

tad āgnīdhrāgāraṃ vimimīte yathāntarvedy ardhaṃ syād bahirvedy ardham // (37) Par.?

athainat samuccitya pariśrayanti // (38) Par.?

tasya dakṣiṇāṃ dvāraṃ kurvanti // (39) Par.?

āgnīdhrāgārasya pārśvamānī pañcāratniḥ // (40) Par.?

etena mārjālīyo vyākhyātaḥ // (41) Par.?

tasyodīcīṃ dvāraṃ kurvanti // (42) Par.?