Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 16744
  • Click on a sentence to show its analysis
  • Keep the mouse pointer over a lemma to show its meanings.
atha prāṅ āyann āha devāya savitre 'nubrūhi pratiprasthātar antaryāmapātreṇa sāvitram āgrayaṇād grahaṃ gṛhītvopāsva mā sīṣada iti // (1) Par.?
tac chrutvā pratiprasthātāntaryāmapātreṇa sāvitram āgrayaṇād grahaṃ gṛhṇāti vāmam adya savitar ity anudrutyopayāmagṛhīto 'si devāya tvā savitre juṣṭaṃ gṛhṇāmīti // (2) Par.?
na sādayatīti brāhmaṇam // (3) Par.?
asādayitvaivopaniṣkramyāśrāvyāha devāya savitre preṣyeti // (4) Par.?
vaṣaṭkṛte juhoti // (5) Par.?
atha vai bhavati // (6) Par.?
savitṛpātreṇa vaiśvadevaṃ kalaśād gṛhṇāti some somam abhigṛhṇātīti // (7) Par.?
sa savitṛpātreṇa vaiśvadevaṃ kalaśād gṛhṇāti some somam abhigṛhṇāty upayāmagṛhīto 'si suśarmāsi supratiṣṭhāno bṛhadukṣe namo viśvebhyas tvā devebhyo juṣṭaṃ gṛhṇāmīti // (8) Par.?
parimṛjya sādayaty eṣa te yonir viśvebhyas tvā devebhya iti // (9) Par.?
athādhvaryuḥ pradakṣiṇam āvṛtya pratyaṅṅ ādrutya hotrā samīkṣya parāṅ āvartata iḍā devahūr iti // (10) Par.?
yāvad etasya yajuṣaḥ paryāpnoti tāvaj japati // (11) Par.?
abhy enam āhvayate hotā // (12) Par.?
pratyāhvayate 'dhvaryuḥ // (13) Par.?
śaṃsati // (14) Par.?
pratigṛṇāti // (15) Par.?
atha yatra hotur abhijānāty ekayā ca daśabhiś ca svabhūta iti tat pratiprasthātā dvidevatyapātrāṇi mārjālīye mārjayitvā pātreṣv apisṛjati // (16) Par.?
atha yatra hotur abhijānāti pra dyāvā yajñaiḥ pṛthivī ṛtāvṛdheti tad anyatomadaṃ pratigṛṇāty othā moda iva madā moda ivety ā vyāhāvāt // (17) Par.?
atha yatra hotur abhijānāti tad rādho adya savitur vareṇyam iti tad ubhayatomadam eva pratigṛṇāti madā moda iva madā moda ivety ā vyāhāvāt // (18) Par.?
prasiddham ukthaṃ pratigīrya prāṅ etyodyacchata etaṃ vaiśvadevaṃ graham // (19) Par.?
anūdyacchante nārāśaṃsān // (20) Par.?
athāśrāvayaty o śrāvayāstu śrauṣaḍ ukthaśā yaja somasyeti // (21) Par.?
vaṣaṭkṛtānuvaṣaṭkṛte dvir juhoti // (22) Par.?
tathaiva dvirdvir nārāśaṃsān anuprakampayanti // (23) Par.?
etat pātraṃ nārāśaṃsā anvāyanti // (24) Par.?
anusavanabhakṣo viśvair devaiḥ pītasyeti // (25) Par.?
hotā caivādhvaryuś caitat pātraṃ saṃbhakṣayato narāśaṃsapītena nārāśaṃsān narāśaṃsapītasya soma deva te matividas tṛtīyasya savanasya jagatīchandasaḥ pitṛpītasya madhumata upahūtasyopahūto bhakṣayāmīti // (26) Par.?
hotṛcamasam evaite trayaḥ samupahūya bhakṣayanti // (27) Par.?
yathācamasaṃ camasān // (28) Par.?
hinva ma ity ātmānaṃ pratyabhimṛśante // (29) Par.?
nāpyāyayanti camasān // (30) Par.?
sarvabhakṣā mārjayante // (31) Par.?
Duration=0.1618800163269 secs.