Texts

hotra eṣottameti prāhuḥ // (1) Par.?

hotuḥ kālāt parāṅ āvartate 'dhvaryuḥ // (2) Par.?

abhy enam āhvayate hotā // (3) Par.?

pratyāhvayate 'dhvaryuḥ // (4) Par.?

śaṃsati // (5) Par.?

pratigṛṇāti // (6) Par.?

atha yatra hotur abhijānāti svāduṣ kilāyaṃ madhumāṁ utāyam iti tad ubhayatomodaṃ pratigṛṇāti modā moda iva madā moda ivety ā vyāhāvāt // (7) Par.?

atha yatra hotur abhijānāti tantuṃ tanvan rajaso bhānum anvihīti tat pratiprasthātā dhruvam parigṛhṇāti dyāvāpṛthivībhyāṃ tvā parigṛhṇāmīti // (8) Par.?

athainaṃ pracyāvayati viśve tvā devā vaiśvānarāḥ pracyāvayantv iti // (9) Par.?

athainam āharati divi devān dṛṃhāntarikṣe vayāṃsi pṛthivyāṃ pārthivān iti // (10) Par.?

athainaṃ hotṛcamase 'vanayati dhruvaṃ dhruveṇa haviṣāva somaṃ nayāmasi / (11.1) Par.?

yathā naḥ sarvam ij jagad ayakṣmaṃ sumanā asat // (11.2) Par.?

yathā na indra id viśaḥ kevalīḥ sarvāḥ samanasaḥ karat / (12.1) Par.?

yathā naḥ sarvā id diśo 'smākaṃ kevalīr asann iti // (12.2) Par.?

prasiddham ukthaṃ pratigīrya prāṅ etyodyacchata etaṃ hotṛcamasam // (13) Par.?

anūdyacchante camasān // (14) Par.?

athāśrāvayaty o śrāvayāstu śrauṣaḍ ukthaśā yaja somānām iti // (15) Par.?

vaṣaṭkṛtānuvaṣaṭkṛte dvir juhoti // (16) Par.?

tathaiva dvirdviḥ sarvāṃś camasāñ juhvati // (17) Par.?

atha bhakṣaiḥ pratyañca ādravanti // (18) Par.?

anusavanabhakṣo 'gninā vaiśvānareṇa marudbhiḥ pītasya madhumata upahūtasyopahūto bhakṣayāmīti // (19) Par.?

hotṛcamasam evaite trayaḥ samupahūya bhakṣayanti // (20) Par.?

yathācamasaṃ camasān // (21) Par.?

hinva ma ity ātmānaṃ pratyabhimṛśante // (22) Par.?

nāpyāyayanti camasān // (23) Par.?

sarvabhakṣā mārjayante // (24) Par.?

athaitāṃś camasān adbhiḥ pūrayitvottareṇāhavanīyaṃ prāco vodīco vāyātayati // (25) Par.?

teṣu trīṃstrīṃś ca dūrvāgranthīn prāsyaty ekaikaṃ ca darbhapuñjīlam // (26) Par.?

athokthaṃ vācīndrāyety āha tṛtīyasavanaṃ pratigīrya praśāstaḥ prasuhīti // (27) Par.?

sarpatety āha praśāstā // (28) Par.?

saṃtiṣṭhate tṛtīyasavanam // (29) Par.?