Texts

trayodaśaṃ vā etanmāsam āpnoti yat śunāsīryeṇa yajate // (1) Par.?

etāvān vai saṃvatsaro yad eṣa trayodaśo māsaḥ // (2) Par.?

tad atra eva sarvaḥ saṃvatsara āpto bhavati // (3) Par.?

atha yat śunāsīrau yajati // (4) Par.?

śāntir vai bheṣajaṃ śunāsīrau // (5) Par.?

śāntir evaiṣā bheṣajam antato yajñe kriyate // (6) Par.?

sa yady agnir mathyate yad vaiśvadevasya tantraṃ tat tantram // (7) Par.?

yady u na mathyate paurṇamāsam eva tantraṃ bhavati // (8) Par.?

pratiṣṭhā vai paurṇamāsaṃ pratiṣṭhityā eva // (9) Par.?

atha yat saptadaśa sāmidhenyaḥ sadvantāvājyabhāgau virājau samyājye tasyoktaṃ brāhmaṇam // (10) Par.?

atha yan nava prayājā navānuyājā aṣṭau havīṃṣi sviṣṭakṛn navamaḥ // (11) Par.?

tan nakṣatriyāṃ virājam āpnoti // (12) Par.?

samānāni tveva pañca saṃcarāṇi havīṃṣi bhavanti pauṣṇāntāni vaiśvadevikāni // (13) Par.?

teṣām uktaṃ brāhmaṇam // (14) Par.?

atha yat śunāsīrau yajati // (15) Par.?

tayor uktaṃ brāhmaṇam // (16) Par.?

atha yad vāyuṃ yajati // (17) Par.?

prāṇo vai vāyuḥ // (18) Par.?

prāṇam eva tad ātman dhatte // (19) Par.?

atha yat saurya ekakapālaḥ // (20) Par.?

asau vai sūryo yo 'sau tapati // (21) Par.?

etam eva tat prīṇāti // (22) Par.?

atha yat śvetā dakṣiṇā // (23) Par.?

etam eva tat prīṇāti // (24) Par.?

etasyaiva tad rūpaṃ kriyate // (25) Par.?

atha yat prāyaścittapratinidhīn kurvanti yad āhutīr juhvati // (26) Par.?

svastyayanam eva tat kurvate // (27) Par.?

yajñasyaiva śāntyai // (28) Par.?

yajamānasya ca bhiṣajyāyai // (29) Par.?

atha yat svair agnibhir yajamānaṃ saṃskurvanti // (30) Par.?

devaratho vā agnayaḥ // (31) Par.?

devaratha evainaṃ tat samāropayanti // (32) Par.?

sa etena devarathena svargaṃ lokam eti // (33) Par.?

sukṛtāṃ yatra lokaḥ sukṛtāṃ yatra lokaḥ // (34) Par.?