Texts

indra śākvara gāyatrīṃ prapadye tāṃ te yunajmīndra śākvara triṣṭubhaṃ prapadye tāṃ te yunajmīndra śākvara jagatīṃ prapadye tāṃ te yunajmīndra śākvarānuṣṭubhaṃ prapadye tāṃ te yunajmīndra śākvara paṅktiṃ prapadye tāṃ te yunajmīty etaiḥ pratimantraṃ pratidiśaṃ kṛṣṇājinam abhimṛśati / (1.1) Par.?

madhya uttamena // (1.2) Par.?

atha prāṅmukho jānvakno 'bhisarpati // (2.1) Par.?

imāṃ dhiyaṃ śikṣamāṇasyeti kṛṣṇājinaṃ bhasatta ārohati // (3.1) Par.?

sutrāmāṇam ity ārohañ japati / (4.1) Par.?

imāṃ su nāvam āruham ity ārūḍhaḥ / (4.2) Par.?

āhaṃ dīkṣām aruham ṛtasya patnīṃ gāyatreṇa chandasā brahmaṇā cartaṃ satye 'dhāyi satyam ṛte 'dhāyy ṛtaṃ ca me satyaṃ cābhūtāṃ jyotir abhūvaṃ suvar agamaṃ suvargaṃ lokaṃ nākasya pṛṣṭhaṃ bradhnasya viṣṭapam agamam iti ca // (4.3) Par.?

atra patnī śirasi kumbakurīram adhyūhate // (5.1) Par.?

kṛṣṇaṃ jīvorṇānām iti vājasaneyakam // (6.1) Par.?

jālaṃ kumbakurīram ity ācakṣate // (7.1) Par.?

viṣṇoḥ śarmāsīty ahatena vāsasā dakṣiṇam aṃsaṃ yajamānaḥ prorṇute / (8.1) Par.?

nakṣatrāṇāṃ mātīkāśāt pāhīti śiraḥ // (8.2) Par.?

uṣṇīṣeṇa pradakṣiṇaṃ śiro veṣṭayata iti vājasaneyakam // (9.1) Par.?

na purā somasya krayād aporṇvītety uktam // (10.1) Par.?

prācīnamātrāvāsasā patnīṃ dīkṣayati // (11.1) Par.?

ūrdhvavāsyaṃ bruvate // (12.1) Par.?

śaramayī mauñjī vā mekhalā trivṛt pṛthvy anyatarataḥpāśā / (13.1) Par.?

tayā yajamānaṃ dīkṣayati / (13.2) Par.?

yoktreṇa patnīm // (13.3) Par.?

ūrg asīti nābhiṃ prati parivyayati dveṣyaṃ manasā dhyāyan // (14.1) Par.?

uttareṇa nābhiṃ niṣṭarkyaṃ granthiṃ kṛtvā pradakṣiṇaṃ paryūhya dakṣiṇena nābhim avasthāpayati // (15.1) Par.?

atra darśapūrṇamāsavat patnīm saṃnahyati / (16.1) Par.?

saṃ tvā nahyāmīti vikāraḥ // (16.2) Par.?

indrasya yonir asi mā mā hiṃsīr iti kṛṣṇaviṣāṇāṃ yajamānāya prayacchati // (17.1) Par.?

ābadhnātīty eke // (18.1) Par.?

trivaliḥ pañcavalir vā dakṣiṇāvṛd bhavati / (19.1) Par.?

savyāvṛd ity eke // (19.2) Par.?