Texts

kuśapavitraiś citpatir meti pāvayati saptabhiḥ saptabhiḥ pratimantram achidreṇeti sarvatra dvir uparinābhyunmṛjya pradakṣiṇaṃ sakṛd avāṅ // (1) Par.?

ekena // (2) Par.?

tribhiḥ // (3) Par.?

saptabhir vā // (4) Par.?

ekaśatena vā rājasūye // (5) Par.?

ā vo devāsa iti vācayati // (6) Par.?

svāhā yajñam ity aṅgulī acate nānā hastayoḥ // (7) Par.?

evaṃ śeṣaṃ pratimantram // (8) Par.?

uttamena muṣṭī kṛtvā svāhety uktvā vāgyataḥ // (9) Par.?

aṅguṣṭhau tatsahite cotsṛjati // (10) Par.?

vāgyataṃ praveśayati // (11) Par.?

āhavanīyagārhapatyāv antareṇa // (12) Par.?

so 'sya saṃcara ā prasavāt // (13) Par.?

evaṃ pratiprasthātā patnīm abhyañjanādi tūṣṇīm // (14) Par.?

apareṇa vā praveśayati // (15) Par.?

audgrabhaṇāni juhoti sthālyāḥ sruveṇākūtyā iti pratimantram // (16) Par.?

tṛtīyaṃ japaty eva // (17) Par.?

pañcamaṃ juhvāṃ dhrauvam āsicya dviś ca sthālyāḥ sruveṇa tṛtīyaṃ sruvam abhipūrayati viśvo devasyeti // (18) Par.?

etām eva vā pūrṇāṃ juhuyāt // (19) Par.?

āhavanīyaṃ dakṣiṇena kṛṣṇājine māṃsasahite syūtānte tardmasu paścādāsañjanavatī nidadhāti // (20) Par.?

ekaṃ cet paścātpādadviguṇam // (21) Par.?

dakṣiṇaṃ jānv ācyāste paścād enayoḥ // (22) Par.?

śuklakṛṣṇasaṃdhim ālabhata ṛksāmayor iti // (23) Par.?

dakṣiṇajānunārohati śarmāsīti // (24) Par.?

tenāste 'pare 'nte // (25) Par.?

mekhalāṃ badhnīte veṇiṃ trivṛtaṃ śaṇamuñjamiśrām antarāṃ vāsasa ūrg asīti // (26) Par.?

nīviṃ kurute somasya nīvir iti // (27) Par.?

śiraḥ prorṇute viṣṇoḥ śarmeti // (28) Par.?

kṛṣṇaviṣāṇāṃ trivaliṃ pañcavaliṃ vottānāṃ daśāyāṃ badhnīte // (29) Par.?

tayā kaṇḍūyanam // (30) Par.?

upaspṛśaty enayā dakṣiṇasyā bhruva uparīndrasya yonir iti // (31) Par.?

bhūmau collikhati susasyā iti // (32) Par.?