Texts

mukhasaṃmitam audumbaraṃ daṇḍaṃ prayacchati // (1) Par.?

ucchrayasvety enam ucchrayati // (2) Par.?

taṃ dakṣiṇata upadhatte // (3) Par.?

atra vā muṣṭikaraṇavāgyamane // (4) Par.?

evaṃ pratiprasthātā patnīṃ tūṣṇīṃ yugapan mekhalādi // (5) Par.?

yoktreṇa vā // (6) Par.?

jālaṃ vā śirasi triparyāyam // (7) Par.?

pṛthumukho yajñiyavṛkṣaśaṅkuḥ kaṇḍūyane // (8) Par.?

ollekhanāt karoti mekhalādi cet // (9) Par.?

kṛṣṇājinādi ced daṇḍāntam // (10) Par.?

anyo dīkṣito 'yaṃ brāhmaṇa ity āha trir uccaiḥ // (11) Par.?

brāhmaṇa ity eva vaiśyarājanyayor api śruteḥ // (12) Par.?

āstamayād vācaṃ yacchati // (13) Par.?

astamite dīkṣita vācaṃ visṛjasva patni vācaṃ visṛjasveti trir āha // (14) Par.?

agnim abhyāvṛtya vrataṃ kṛṇuteti vāgvisarjanaṃ trir uktvāgnir brahmeti ca sakṛt // (15) Par.?

bhūr bhuvaḥ svar iti vā // (16) Par.?

ata ūrdhvam ā muṣṭivisargād anastamite 'nudite ca trir āha dīkṣita vācaṃ yaccha patni vācaṃ yaccheti // (17) Par.?

yathoktaṃ visarjanam // (18) Par.?

vratadughe dohayati // (19) Par.?

tatkṣīravratau bhavataḥ // (20) Par.?

prathame vrate vrīhiyavayor anyataram āvapati // (21) Par.?

ubhāv eke // (22) Par.?

tad vratam adohe // (23) Par.?

sarvauṣadhaṃ sarvasurabhi caike // (24) Par.?

gārhapatye dīkṣitasya śrapaṇam // (25) Par.?

dakṣiṇāgnau patnyāḥ // (26) Par.?

yavāgū rājanyasya // (27) Par.?

āmikṣā vaiśyasya // (28) Par.?

vrataṃ prayacchaty anutsiktam // (29) Par.?

apararātre sāyaṃdoham // (30) Par.?

aparāhṇe prātardoham // (31) Par.?

daivīṃ dhiyam iti vratāyopasparśanaṃ svāsane // (32) Par.?

ye devā iti vratayaty amṛnmaye // (33) Par.?

patnī lauhe // (34) Par.?

śvātrāḥ pītā iti nābhim ālabhate // (35) Par.?

mekṣyan kṛṣṇaviṣāṇayā loṣṭaṃ kiṃcid vādatta iyaṃ ta iti // (36) Par.?

apo muñcāmīti mehati // (37) Par.?

pṛthivyā saṃbhavety āttaṃ nidadhāti // (38) Par.?

agne tvam ity uktvā svapity adhaḥ prāṅ dakṣiṇataḥ // (39) Par.?

agnim abhyāvṛttaṃ vibuddham asvapsyantaṃ punar mana iti vācayati // (40) Par.?