Texts

gavāmayanam // (1.1) Par.?

paurṇamāsyāś caturahe purastād dīkṣante // (2.1) Par.?

tāmisrasyāṣṭamyām ṛtvigbhyo 'gniṣṭomasya pañcamyāṃ prasavaḥ // (3.1) Par.?

samānaḥ prāyaṇīyaḥ // (4.1) Par.?

ukthyo dvitīyam ahar agniṣṭomo vā // (5.1) Par.?

anvaham abhiplavaṃ ṣaḍaham upayanti // (6.1) Par.?

jyotiragniṣṭomo rathantarapṛṣṭho gaur ukthyo bṛhatpṛṣṭha āyurukthyo rathantarapṛṣṭhaḥ punargoāyuṣī jyotiragniṣṭomo rathantarapṛṣṭha eva // (7.1) Par.?

caturo 'bhiplavān upayanti // (8.1) Par.?

pṛṣṭhyaḥ / (9.1) Par.?

sa māsaḥ // (9.2) Par.?

tāṃś caturo māsān upayanti // (10.1) Par.?

trayo 'bhiplavāḥ pṛṣṭhyo 'bhijitsvarasāmāna ukthyā vāgniṣṭomā vā // (11.1) Par.?

teṣv avṛttā saṃtatiḥ // (12.1) Par.?

atigrāhyaṃ gṛhṇāti // (13.1) Par.?

upayāmagṛhīto 'sy adbhyas tvauṣadhībhya iti gṛhītvādbhya oṣadhībhyaḥ svāheti prathame 'hani juhoti // (14.1) Par.?

oṣadhībhyas tvā prajābhya iti gṛhītvauṣadhībhyaḥ prajābhyaḥ svāheti dvitīye // (15.1) Par.?

prajābhyas tvā prajāpataya iti gṛhītvā prajābhyaḥ prajāpataye svāheti tṛtīye // (16.1) Par.?

sa māsaḥ / (17.1) Par.?

sa pūrvaḥ // (17.2) Par.?

śvo bhūte viṣuvān divākīrtyo 'gniṣṭomaḥ // (18.1) Par.?

udite prātaranuvākam upākaroti // (19.1) Par.?

avṛttān saṃtatīn gṛhītvod u tyaṃ jātavedasam iti stotra ādityaṃ vṛttān saṃtatīn gṛhītvā vācaspatim iti vaiśvakarmaṇam iti // (20.1) Par.?

ādityaṃ śvo bhūte vaiśvakarmaṇaṃ vyatyāsaṃ gṛhṇāty ā mahāvratāt // (21.1) Par.?

ubhe mahāvrate // (22.1) Par.?

sauryaṃ śvetam ajaṃ savanīyaṃ tantram upālambham ārabheran // (23.1) Par.?

prāg astamayād ahaḥ saṃsthāpayanti // (24.1) Par.?

vaiśvakarmaṇaṃ mahīm ū ṣu mātaram ity āhanyam // (25.1) Par.?

sūryo deva ity astamite juhoti // (26.1) Par.?

pṛṣṭhyābhiplavān māsāṃs tv āvṛttān uttarasmin pakṣa upayanti // (27.1) Par.?

viṣuvatam upetyāvṛttāṃś ca svarasāmna upayanti // (28.1) Par.?

viśvajitaṃ pṛṣṭhyaṃ trīn abhiplavān // (29.1) Par.?

caturo māsān upayanti // (30.1) Par.?

trīn abhiplavān āyurgaur daśāho mahāvratam iti dvisaṃbhāryatām // (31.1) Par.?

ekasaṃbhāryatā havinām ṛddhau viśvajitaiḥ pañca māsān upetya dvāv upaplavāv āyurgaur daśāho mahāvratam upayanti tena tv āvṛttān sarasān upayanti // (32.1) Par.?

vibhajitaṃ pṛṣṭhyaṃ trīn abhiplavāṃś caturo māsān upetyaindravāyavaḥ śukra āgrāyaṇa iti grahāgrāṇi naikam āvartaṃ ṣaṇmāsān // (33.1) Par.?

atha śukrāgre dve viṣuvān // (34.1) Par.?

āvṛtyottarasminn upakrāmam // (35.1) Par.?

api vā yathā pṛṣṭhe pratikṛto yathābhiplave svarasāma ca // (36.1) Par.?

śeṣe yathādiṣṭam // (37.1) Par.?

āgneyāya savana aindrāgnau // (38.1) Par.?

api vā vihṛtān aikādaśinān āvartam ā daśarātrasya caturthād ahnaḥ // (39.1) Par.?

vaiṣṇavaṃ vāmanaṃ caturthe 'hany aindrāgnaṃ pañcame / (40.1) Par.?

vaiśvadevaṃ ṣaṣṭhe / (40.2) Par.?

dyāvāpṛthivyaṃ prathame chandome / (40.3) Par.?

tasyāśvataravatsaṃ vāyave niyutvate dvitīye / (40.4) Par.?

aviṃ vaśām uttame / (40.5) Par.?

maitrāvaruṇīṃ vaśām avivākye / (40.6) Par.?

prājāpatyaṃ tūparaṃ mahāvrate // (40.7) Par.?

api vā prāyaṇīyodayanīyayor vibhaktān aikādaśinān ālabherann aindrāgnānantarā // (41.1) Par.?