Texts

camasaṃ vratapradānam abhimantrayata uruvyacā asi janadhāḥ sapatno mā pāhyasya yajñasyodṛcaḥ // (1) Par.?

athāṅgulīr nyañcati / (2.1) Par.?

svāhā yajñaṃ manaseti dve / (2.2) Par.?

svāhā dyāvāpṛthivībhyām iti dve / (2.3) Par.?

svāhoror antarikṣād iti dve // (2.4) Par.?

svāhā yajñaṃ vātādārabha iti muṣṭī karoti // (3) Par.?

athainaṃ saṃbhārayajūṃṣi vācayaty agnir yajurbhir iti // (4) Par.?

tato vācaṃ yacchaty ā nakṣatrāṇām udayāt // (5) Par.?

yadi purā nakṣatrebhyo vācaṃ visṛjed vaiṣṇavīm āgnāvaiṣṇavīṃ sārasvatīṃ bārhaspatyām ity anūcya punar eva vācaṃ yacchet // (6) Par.?

tvam agne vratapā asīti brūyād yadi muṣṭī vācaṃ vā visṛjet // (7) Par.?

athainam āvedayaty adīkṣiṣṭāyaṃ brāhmaṇo 'sāv āmuṣyāyaṇo 'muṣya putro 'muṣya pautro 'muṣya naptāmuṣyāḥ putro 'muṣyāḥ pautro 'muṣyā napteti / (8.1) Par.?

trir upāṃśu trir uccaiḥ // (8.2) Par.?

yaḥ kaścana dīkṣeta brāhmaṇa ity evainam āvedayet // (9) Par.?

aparāhṇe dīkṣate // (10) Par.?

yaṃ kāmayeta tapasvī syād iti taṃ prātardīkṣayet // (11) Par.?

utthāya kṛṣṇājinaṃ pratimuñcati // (12) Par.?

sa etad vrataṃ carati / (13.1) Par.?

na māṃsam aśnāti na striyam upaiti noparyāste jugupsetānṛtāt // (13.2) Par.?

parihvālaṃ mānuṣīṃ vācaṃ vadati canasitaṃ vicakṣaṇaṃ vānuṣajan // (14) Par.?

canasiteti brāhmaṇam āmantrayīta / (15.1) Par.?

vicakṣaṇeti rājanyavaiśyāv iti vijñāyate // (15.2) Par.?

brāhmaṇena caiva kṣatriyeṇa vā vaiśyena vā sambhāṣeta // (16) Par.?

tata evainam anuprayujyeran // (17) Par.?

yady enaṃ śūdreṇa saṃvāda upapadyetaiteṣām evaikaṃ brūyād imaṃ nu vicakṣveti // (18) Par.?