Texts

śṛṇu putra pravakṣyāmi yathā trailokyamohanam / (1.1) Par.?

parapuruṣā vaśaṃ yānti yathāvat kathayāmi te // (1.2) Par.?

elā kuṣṭhaṃ ca lodhraṃ ca vacā ca raktacandanam / (2.1) Par.?

śmaśānabhasmasaṃyuktaṃ prayogaṃ māraṇāntakam // (2.2) Par.?

māraṇaṃ saṃkocakaraṇam / (3.1) Par.?

kulatthaṃ bilvapattraṃ ca rocanā ca manaḥśilā / (3.2) Par.?

etāni samabhāgāni sthāpayet tāmrabhājane // (3.3) Par.?

saptarātre sthite pātre tailam ebhiḥ paced budhaḥ / (4.1) Par.?

tailena bhagam ālipya bhartāram upagacchati // (4.2) Par.?

samprāpya maithunaṃ bhartā dāso bhavati nānyathā / (5.1) Par.?

nāgaraiḥ madhusaṃyuktair guṭikāṃ kārayed budhaḥ // (5.2) Par.?

aśvamūtreṇa saṃyujya puruṣāṇāṃ vaśaṃkaram / (6.1) Par.?

kuṅkumaṃ śatapuṣpaṃ ca priyaṅgu rocanaṃ tataḥ // (6.2) Par.?

ajākṣīreṇa dātavyaṃ yā bhāryā durbhagā bhavet / (7.1) Par.?

tataḥ sā subhagā nityaṃ patidāsatvam āpnuyāt // (7.2) Par.?

mātuluṅgasya bījāni paṅkajasya phalāni ca / (8.1) Par.?

samudrajaṃ raktacūrṇaṃ madhunā saha lepayet // (8.2) Par.?

tailayojitamātreṇa patir dāso bhaved dhruvam / (9.1) Par.?

adhunā sampravakṣyāmi yogānāṃ sāram uttamam // (9.2) Par.?

yena vijñātamātreṇa narī bhavati kiṃkarī / (10.1) Par.?

uśīraṃ candanaṃ caiva madhunā saha saṃyutam // (10.2) Par.?

gajahastaprayogo 'yaṃ sarvanarīprayojakaḥ / (11.1) Par.?

kevalaṃ śaśinā yuktaṃ kuṅkumaṃ lepayed bhage // (11.2) Par.?

nijavaj jāyate sāṅgaṃ jāyate yonisaṃcayam / (12.1) Par.?

lavaṃgaṃ saindhavaṃ kṣaudraṃ pippalī maricāni ca // (12.2) Par.?

narasya lepayed gātraṃ sa bhaved gajahastavat / (13.1) Par.?

varaṭāveśmasambānaṃ śītatoyena peṣayet // (13.2) Par.?

tenaiva liptamātreṇa bhage randhro na jāyate / (14.1) Par.?

tatra prakṣālitenātha prasavatvaṃ bhaviṣyati // (14.2) Par.?

yaḥ svaretaḥ samādāya ratyante savyapāṇinā / (15.1) Par.?

vāmapādaṃ striyo limpet sā tasya vaśagā bhavet // (15.2) Par.?

yā bhogaśeṣe kāntasya liṅgaṃ vāmāṅghriṇā spṛśet / (16.1) Par.?

yāvad āyur bhaved dāsaḥ sa tasyā nātra saṃśayaḥ // (16.2) Par.?

kapotaviṣṭhā sindhūtthamadhukaiḥ samabhāgikaiḥ / (17.1) Par.?

liptvā liṅgaṃ bhajed yāṃ tu sā vaśyā syād varāṅganā // (17.2) Par.?

ghanasāraṃ satallavyaṃ meḍhraṃ ca madhunā saha / (18.1) Par.?

piṣṭvā liptvā rajo yāṃ ca bhajet sā vaśyagā bhavet // (18.2) Par.?

rocanā kanakaṃ śambhubījaṃ karpūracandanam / (19.1) Par.?

ebhir viliptaliṅgo yāṃ bhajate sā vaśā bhavet // (19.2) Par.?