Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma, somaparicaraṇa

Show parallels  Show headlines
Use dependency labeler
Chapter id: 16986
  • Click on a sentence to show its analysis
  • Keep the mouse pointer over a lemma to show its meanings.
tasyāṃ kṛṣṇājinam adityāḥ sado 'sīti tathāstṛṇāti // (1) Par.?
adityāḥ sada āsīdeti kṛṣṇājine rājānam āsādayati // (2) Par.?
varuṇo 'si dhṛtavrato vāruṇam asīti rājānam upatiṣṭhate // (3) Par.?
vāruṇam asīti vāsasā paryānahyati // (4) Par.?
tat tvā yāmi brahmaṇā vandamāna iti vāruṇyarcā sarvatra rājānaṃ paricarati // (5) Par.?
agniṃ rājānaṃ cāntareṇa mā saṃcāriṣṭeti saṃpreṣyati // (6) Par.?
atrāpyasmai pāyasam annam arghyaṃ lājān apūpāṃś copaharanti // (7) Par.?
athāvahananādi karma pratipadyate // (8) Par.?
śrapaṇakāle saha puroḍāśena madantīr adhiśrayati // (9) Par.?
caturgṛhītāny ājyāni gṛhṇāti // (10) Par.?
caturhotrātithyam āsādayati // (11) Par.?
atra saṃbhārayajūṃṣi vyācaṣṭe // (12) Par.?
paśuvan nirmanthyena carati // (13) Par.?
vedaṃ nidhāya sāmidhenībhyaḥ saṃpreṣyati // (14) Par.?
pañca prayājān yajati // (15) Par.?
sarvam aupabhṛtaṃ caturthe juhvāṃ samānayati // (16) Par.?
upāṃśu carati // (17) Par.?
viṣṇave 'nubrūhīti viṣṇuṃ yajetīḍāntātithyā // (18) Par.?
dhrauvājyam āpyāyyāntarvedi camasaṃ nidhāya tasmiṃs tānūnaptram āpataye tvā gṛhṇāmīti pañcabhiḥ pratimantraṃ pañcāvattam abhigṛhṇāti // (19) Par.?
tad dakṣiṇaśroṇyāṃ nidhāyānādhṛṣṭam asīti sarva ṛtvijo yajamānaś ca samavamṛśanti // (20) Par.?
anu me dīkṣām iti yajamānaṃ vācayati // (21) Par.?
Duration=0.082687139511108 secs.