Texts

pracaraṇakāle pravargyeṇa pracaryopasadā pracaranty upasadā vā pracarya pravargyeṇa // (1) Par.?

tena cariṣyantaḥ saṃvṛṇvanti dvārāṇi striyo yathā na paśyanti pariśrayanti patnīsaṃcārān // (2) Par.?

purastād adhvaryuḥ paścāddhotopaviśati dakṣiṇataḥ paścāt prastotā dakṣiṇato brahmā yajamānaś cottarataḥ pratiprasthātāgnīdhraś ca // (3) Par.?

apa upaspṛśya madantīr namo vāca iti śāntiṃ japitvā purastād gārhapatyasya muñjapralavān saṃstīrya teṣu deva puraścara saghyāsaṃ tveti prathamaṃ mahāvīram upāvaharaty evam itarau tūṣṇīm itarāṇi // (4) Par.?

atraiva pravargyārthān saṃbhārān saṃsādayati // (5) Par.?

somāsandīprakārā varṣīyasī samrāḍāsandī hrasīyasī vā // (6) Par.?

catasraḥ srucas tāsu dve rauhiṇahavanyāv animne // (7) Par.?

itare dve sanimne // (8) Par.?

tayor varṣīyasy upayamanī prokṣaṇīdhānī hrasīyasī // (9) Par.?

dvau sruvau dve dhṛṣṭī ca // (10) Par.?

mahāvīrasaṃmitau pārśvataś chinnāv anyatarataḥ saṃtṛṇṇau saṃdaṃśau śaphāv ity ācakṣate // (11) Par.?

sthūlaśaṅkur gharmadughārthas trayo 'sthūlaśaṅkavo vatsādyarthā amī avatsaśaṅkur iti padaṃdināṃ ṣaṭchakalāś caitāny audumbarāṇi // (12) Par.?

vaikaṅkatī samitparidhayo vaikaṅkatās trayodaśendhanāni pālāśāni vaiṇavāni vaikaṅkatāni khādirāṇy ārkāṇy audumbarāṇi śamīmayāni vā // (13) Par.?

śuklakṛṣṇaromāṇi kārṣṇājināni dhavitrāṇi trīṇi bāhupramāṇadaṇḍāni // (14) Par.?

vaiṇavā audumbarā vā daṇḍāḥ // (15) Par.?

śatamānaṃ rajataṃ suvarṇaṃ ca // (16) Par.?

sāgraś chinnāgraś ca dvau vedāv abhidhānī dve nidāne trīṇi viśākhadāmāni // (17) Par.?

etāni mauñjāni // (18) Par.?

aphalīkṛtāni rauhiṇyoḥ piṣṭāni // (19) Par.?

prabhūtā muñjapralavāḥ // (20) Par.?

kharebhyaḥ sikatā // (21) Par.?

mauñje pavitre darbhamaye vā // (22) Par.?

uttareṇa gārhapatyaṃ sphyenoddhatyāvokṣya sikatā nyupya prādeśamātraṃ parimaṇḍalaṃ pravṛñjanīyam uttareṇāhavanīyaṃ tathodvāsanīyam uttareṇa śālāṃ caturaśraṃ niṣyandavantam ucchiṣṭakharam evaṃ trīn kharān kṛtvā śiṣṭāḥ sikatā uttarārdhe nidheyāḥ syuḥ // (23) Par.?

atha prokṣaṇīḥ saṃskṛtya brahman pravargyeṇa pracariṣyāmo hotar gharmam abhiṣṭuhy agnīd rauhiṇau puroḍāśāv adhiśraya pratiprasthātaḥ pravargyaṃ vihara prastotaḥ sāmāni gāyeti brahmādīn saṃpreṣyati // (24) Par.?