Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 15182

Click on a sentence to show its analysis
Keep the mouse pointer over a lemma to show its meanings.

athātaḥ saṃhitāyā upaniṣat // (1) Par.?

pṛthivī pūrvarūpaṃ dyaur uttararūpaṃ vāyuḥ saṃhiteti māṇḍūkeya ākāśaḥ saṃhitety asya mākṣavyo vedayāṃcakre // (2) Par.?

sa hāviparihṛto mene na me 'sya putreṇa samagād iti // (3) Par.?

samāne vai tat parihṛto mena ity āgastyaḥ samānaṃ hy etad bhavati vāyuś cākāśaś ca // (4) Par.?

ity adhidaivatam // (5) Par.?

athādhyātmam // (6) Par.?

vāk pūrvarūpaṃ mana uttararūpaṃ prāṇaḥ saṃhiteti śūravīro māṇḍūkeyaḥ // (7) Par.?

atha hāsya putra āha jyeṣṭho manaḥ pūrvarūpaṃ vāg uttararūpaṃ manasā vā agre saṃkalpayaty atha vācā vyāharati tasmān mana eva pūrvarūpaṃ vāg uttararūpaṃ prāṇas tv eva saṃhiteti // (8) Par.?

samānam enayor atra pituś ca putrasya ca // (9) Par.?

sa eṣo 'śvarathaḥ praṣṭivāhano manovākprāṇasaṃhataḥ // (10) Par.?

sa ya evam etāṃ saṃhitāṃ veda saṃdhīyate prajayā paśubhir yaśasā brahmavarcasena svargeṇa lokena sarvam āyur eti // (11) Par.?

iti nu māṇḍūkeyānām // (12) Par.?

Duration=0.090821027755737 secs.