Texts

atha dhiṣṇyān upatiṣṭheran // (1) Par.?

samastenottarayoḥ savanayor iti gautamaśāṇḍilyāyanau // (2) Par.?

sarveṇeti dhānaṃjayyaḥ // (3) Par.?

anupasthānaṃ śāṇḍilyaḥ // (4) Par.?

evam eva niṣkramya pṛthakstotrebhyaḥ samastenopatiṣṭheran yāny ūrdhvam ukthebhyaḥ // (5) Par.?

paryāyebhyas tu rātreḥ // (6) Par.?

yathāsanam upaviśya prastotā havirdhānaṃ gacchen mādhyaṃdine // (7) Par.?

huta ādityagrahe pratihartārbhave // (8) Par.?

ubhayatra sarve satreṣu // (9) Par.?

pavamānayor uttarayor dhiṣṇyaviharaṇe mārjālīyaṃ harantaḥ paścimena yajamānaṃ hutvā tenaiva pratihareyuḥ // (10) Par.?

mādhyaṃdinena stutvā sattreṣu dadhigharmasya bhakṣayeyuḥ samupahūya dadhikrāvṇa iti // (11) Par.?

tasyā uttamaṃ pādaṃ daśame 'hany abhyasyeyuḥ // (12) Par.?

pūrveṇa patnīśālām antareṇāgnīdhrīyaṃ sadaśca tīrthena dakṣiṇā nayeyuḥ // (13) Par.?

sarvāsāṃ devasya tveti purastājjapaḥ // (14) Par.?

varuṇas tveti yathādaivataṃ pratigṛhṇīyāt // (15) Par.?

yathājāti mṛgān // (16) Par.?

aprāṇac ca // (17) Par.?

puṃvan mithunāny anyatrājābhyaḥ // (18) Par.?

tena ka idam ity upariṣṭājjapaḥ // (19) Par.?

tatrohāpādīni padāni // (20) Par.?

tvā devi dakṣiṇe 'da iti ca yat tat syāt tena dātra idam āviśaitat te bhuñjatīti hiṃsīr iti ca // (21) Par.?

aśvarathaṃ ced dadyāt // (22) Par.?

pūrveṇāgnīdhrīyam avasthāpya purastājjapaṃ japitvā darbhamuṣṭināśvamukhāni saṃmṛjyād dvābhyāṃ dvābhyām aśvanāmabhyām ekaikasyāśvo 'sīty etatprabhṛtibhir udaksaṃstham iti dhānaṃjayyaḥ // (23) Par.?

dhuryau prathamam ity aparam // (24) Par.?

dakṣiṇaṃ pūrvaṃ // (25) Par.?

tathā praṣṭī // (26) Par.?

sarvāṇy ekaikasminn udaksaṃstham iti śāṇḍilyaḥ // (27) Par.?

sarvāṇy ekasmiṃs tūṣṇīm itarāṇīty aparam // (28) Par.?

etāny evāśvāsvaśvatareṣv aśvatarīṣu ca yathārtham ūhet // (29) Par.?

tribhiś ced ardhāny ekasminn ardhāni dvayoḥ // (30) Par.?

dvaidhaṃ dvayoḥ // (31) Par.?