Texts

vāmadevyena stoṣyamāṇaḥ prāk stomayogād gāvo 'śvā ajāvayo vrīhayo yavā iti manasā dhyāyet // (1) Par.?

brahmasāmni yaḥ kāmo yajamānasya syāt sa sidhyatv iti dhyāyannupāsīta // (2) Par.?

tathetara udgāyan // (3) Par.?

ārbhaveṇa stutvā puroḍāśād ekaikaṃ piṇḍaṃ trīṃs trīn vāparayā dvārā havirdhānaṃ prapadyādhastāt svasya camasasya kuryur yadāsannaḥ syād atra pitaro mādayadhvaṃ yathābhāgam āvṛṣāyadhvam iti // (4) Par.?

tam āhriyamāṇaṃ pratimantrayerann amīmadanta pitaro yathābhāgam āvṛṣāyiṣata iti // (5) Par.?

saumyam āhṛtam udgātāvekṣetāyur me prāṇa iti // (6) Par.?

punar asmāsu dadhmasīty antaḥ // (7) Par.?

taṃ daśame 'hany abhyasyet // (8) Par.?

yan me mādeḥ sthāne yan me yamam ity eke // (9) Par.?

pūrveṇa tv evāvekṣeta // (10) Par.?

tasminn aṅgulī avadhāyāṅguṣṭhānāmike ity eke 'kṣiṇī vimṛjīta yenā hy ājim iti // (11) Par.?

evam itarau kuryātāṃ pratihartā paścāt // (12) Par.?

tam uttareṇa pratihartāraṃ hareyuḥ // (13) Par.?

dravyepsur bhuñjītainaṃ gacchaty anyatarāṃ rogārto vāhatena vāsasā pracchādya dakṣiṇārdhaṃ sadaso gatvā // (14) Par.?

yajñāyajñīyasya hiṃkāraṃ prati patnīm udgātekṣeta // (15) Par.?

nidhanaṃ prati patnī dakṣiṇam ūrum abhiṣiñcet // (16) Par.?

tṛtīyāyāṃ stotrīyāyāṃ prastutāyāṃ sarvaṃ tad udakaṃ ninayet // (17) Par.?

uttamāyāṃ stotrīyāyāṃ bhuvad vājāyi bhuvad vājeṣv ity abhyasyen nām iti ca nidhanam anuṣṭubham uttamām akṣareṇāntata iti hyāheti // (18) Par.?

anabhyāsaṃ tv ācāryāḥ // (19) Par.?

nidhanaṃ ca yathāmnāyaṃ śāṇḍilyaḥ // (20) Par.?

tad yadānuśaṃsan hotāpohiṣṭhīyāṃ brūyāt tadainam anvālabherann apāvṛṇvānāḥ // (21) Par.?

anyasthānagatasya sato nivarteran dharmāḥ // (22) Par.?