Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): penance, prāyaścitta, prāyaścitta
Show parallels Show headlines
Use dependency labeler
Chapter id: 15201
- Click on a sentence to show its analysis
- Keep the mouse pointer over a lemma to show its meanings.
athātaḥ prāyaścittānām // (1.1) Par.?
anādeśe mantrā balavantas tapo'nvitāḥ pāvanā bhavanti // (2.1) Par.?
āpannaḥ prāyaścittaṃ caret // (3.1) Par.?
abhyāsaḥ sāmnāṃ śataṃ daśāvaram // (4.1) Par.?
kāhalam uktvā dadhikrāvṇo akāriṣam ity etad gāyet // (5.1) Par.?
paruṣam uktvedaṃ viṣṇur vicakrama iti // (6.1) Par.?
brāhmaṇam uktvā triḥ // (7.1) Par.?
bhrātaraṃ mātulaṃ pitṛvyam iti gurujātīyān prasādya pakṣiṇīṃ rātrim upoṣya tavāhaṃ soma rāraṇeti prathamam ekaviṃśatikṛtvaḥ // (8.1) Par.?
upādhyāyaṃ mātaraṃ pitaram ity eteṣu trirātram upavasen netarasyaivāntyam // (9.1) Par.?
anadhyāpyam adhyāpya saptarātram upavasan sadā gāvaḥ śucayo viśvadhāyasa ity etad gāyet // (10.1) Par.?
ayājyayājane dakṣiṇās tyaktvā māsaṃ caturthe kāle bhuñjānaḥ kānīty etad gāyet // (11.1) Par.?
amedhyadarśane ye te panthā adho diva iti / (12.1) Par.?
tathāmedhyaghrāṇe // (12.2) Par.?
abhojyabhojane 'medhyaprāśane vā niṣpurīṣībhāvas trirātrāvaraṃ tūpavasan neto nv indraṃ stavāma śuddham iti pūrvaṃ sadā sahasrakṛtva āvartayan // (13.1) Par.?
bahūny apy upapatanīyāni kṛtvā tribhir anaśnatpārāyaṇaiḥ pūto bhavati // (14.1) Par.?
surāṃ pītvā saṃvatsaram aṣṭame kāle bhuñjāno yat pāṇyoḥ sambhaved avāṅnābhy ūrdhvaṃjānu parihitas trir ahna upaspṛśaṃs tathā rātrau sthānāsanābhyāṃ pavitraṃ ta ity uttareṇāhorātrāṇi japan grāmadvāre sthānāsanabhojanāni yatra labhet tatra vasen na pravaset / (15.1) Par.?
svakarmaṇābhibhāṣeta / (15.2) Par.?
caturṇāṃ brāhmaṇānām agrataḥ prāśnīyāt / (15.3) Par.?
grāmadvārasyaivāgrata āvaśyakāyābhikrāmet / (15.4) Par.?
ato 'nyathā śaṅkyam / (15.5) Par.?
pūrṇe saṃvatsare tailaṃ lavaṇaṃ kṣuram agniṃ gāṃ bījānīty ālabdhavantaṃ brāhmaṇā brūyuś caritaṃ tavety om bho iti brūyāt saptāvarān sapta parān hanty anṛtaṃ caritaṃ tava sucaritaṃ tavety om bho iti brūyāt / (15.6) Par.?
ata ūrdhvaṃ keśaśmaśrulomanakhāni vāpayitvāhataṃ vasanaṃ paridhāya brāhmaṇān svasti vācayitvā pūto bhavati // (15.7) Par.?
etena kalpena bhrūṇahā pūrvam etena brahmahā śuddhāśuddhīyam uttaram etena suvarṇasteno 'bhitripṛṣṭham ity abhi tripṛṣṭham iti // (16.1) Par.?
Duration=0.077685832977295 secs.