Texts

athāto dhānyānām // (1.1) Par.?

śuklavāsasā prayogaḥ snānam avalekhanam aniṣṭhīvanaṃ sadā cāñjanaṃ satyavacanaṃ sumanasāṃ dhāraṇaṃ keśaśmaśrulomanakhānāṃ tu nānyatra vratād dārān evopeyāt kāle / (2.1) Par.?

evaṃvrato yad udīrata ā haryatāyeti varga eteṣām ekam anekaṃ vā sarvāṇi vā prayuñjānaḥ śrīmān yaśasvī puṣṭimān dhanyo bhavati // (2.2) Par.?

girvaṇaḥ pāhi naḥ sutam iti caitat sadā prayuñjīta / (3.1) Par.?

mayi śrīr iti cāsya nidhanaṃ kuryāc chrīmān bhavati // (3.2) Par.?

trīn vodakāñjalīnt sadācāmed ayaṃ sahasramānava ity etābhyāṃ śrīr iti cottarasya nidhanaṃ kuryāt / (4.1) Par.?

śrīmān bhavati // (4.2) Par.?

saktumanthaṃ dadhimadhughṛtamiśram ā tvā viśantv indava ity etena saṃnayet / (5.1) Par.?

ā mā viśantv indavo na mām indrātiricyata ity etena pibet / (5.2) Par.?

alakṣmīṃ nudate // (5.3) Par.?

tiṣyeṇa ghṛtaṃ krīṇīyāt / (6.1) Par.?

āyāhi suṣumā hi ta ity etena pibet / (6.2) Par.?

alakṣmīṃ nudate // (6.3) Par.?

gaurānt sarṣapāṃs tiṣyeṇa cūrṇaṃ kārayitvendrehi matsyandhasa ity etena saṃyūya tair mukhaṃ pāṇī ca sarvāṇi cāṅgāni sarvāṃś ca saṃśleṣānutsādayann alakṣmīṃ nudate // (7.1) Par.?

gaurānt sarṣapān agnau juhuyād yad vīḍāv indra yat sthira ity etena hiraṇyaṃ labhate // (8.1) Par.?

vrīhiyavān agnau juhuyāt sunītho gha sa martya ity etena / (9.1) Par.?

dhānyaṃ labhate // (9.2) Par.?

vrīhiyavau sarpirmadhumiśrāv āsye 'vadhāya sa pūrvyo mahonām ity etan manasānudrutyānte svāhākāreṇa nigiret / (10.1) Par.?

evaṃ sadā prayuñjānaḥ sahasraṃ labhate // (10.2) Par.?

ima u tvā vicakṣata ity etenāhutisahasraṃ juhuyāt / (11.1) Par.?

sahasraṃ labhate // (11.2) Par.?

māsopoṣito bilvānāṃ dadhimadhughṛtāktānāṃ śrāyantīyenāṣṭasahasraṃ juhuyāt / (12.1) Par.?

siddhe sauvarṇāny asiddhe rājatāni // (12.2) Par.?

naiyagrodhaṃ dantapavanaṃ ghṛtamadhuliptaṃ gavyo ṣu ṇa ity etābhyām aniṣṭhīvant saṃvatsaraṃ bhakṣayant sahasraṃ labhate sahasraṃ labhate // (13.1) Par.?