Texts

atha yaḥ kāmayetāmuhyant sarvāṇy ā janitrāṇi parikrāmeyam iti mahe no adya bodhayety etat sadā prayuñjītāntavelāyāṃ caitat smared amuhyant sarvāṇy ā janitrāṇi parikrāmati // (1.1) Par.?

atha yaḥ kāmayeta sarvatrāgnir me jvaled iti saṃvatsaraṃ śirasāgniṃ dhārayed agna āyāhi vītaya iti prathamenopatiṣṭhed dvitīyena pariharet tṛtīyena paricaret / (2.1) Par.?

sarvatra hāsya jvalati yad icchati tad dahati // (2.2) Par.?

atha yaḥ kāmayeta piśācān guṇībhūtān paśyeyam iti saṃvatsaram caturthe kāle bhuñjānaḥ kapālena bhaikṣaṃ caran prāṇāḥ śiśur ityantyaṃ sadā sahasrakṛtvaḥ āvartayan paśyati // (3.1) Par.?

ayācitam etena kalpena dvitīyaṃ prayuñjānaḥ pitṝn paśyati // (4.1) Par.?

saṃvatsaram aṣṭame kāle bhuñjānaḥ pāṇibhyāṃ pātrārthaṃ kurvāṇo vṛtrasya tvā śvasathādīṣamāṇā ity etayoḥ pūrvaṃ sadā sahasrakṛtva āvartayan gandharvāpsarasaḥ paśyati // (5.1) Par.?

ayācitam etena kalpena dvitīyaṃ prayuñjāno devān paśyati // (6.1) Par.?

yad varca iti diśāṃ vrataṃ daśānugānam etena kalpena catvāri varṣāṇi prayuñjīta / (7.1) Par.?

nidhayo 'sya prakāśante ye daivās tāṃs tena // (7.2) Par.?

māsam upavased ekam ekam ayācitaṃ bhuñjīta mayi varca ity etena kalpena catvāri varṣāṇi prayuñjīta / (8.1) Par.?

nidhayo 'sya prakāśante ye pṛthivyām // (8.2) Par.?

aṣṭarātropoṣito 'māvāsyāyāṃ mukha ājyaṃ kṛtvā agniṃ nara ity etayoḥ pūrvaṃ manasānudrutyānte svāhākāreṇāgnau juhuyāt / (9.1) Par.?

vyuṣṭāyāṃ rātrau bhūtau pañca hāsya kārṣāpaṇā bhavanti / (9.2) Par.?

vyayakṛtāś ca punar āyanti / (9.3) Par.?

mūlam aśūnyaṃ kuryāt // (9.4) Par.?

gavāṃ praviśantīnāṃ yā paścāt syāt tasyāḥ śiro 'bhyanumṛjya puccham anumṛjya pāṇī saṃhṛtyānaṅgamejayas tiṣṭhet sarvāṃ rātriṃ dvitīyam āvartayan / (10.1) Par.?

jambhakā hāsya sārvakāmikā bhavanti sārvakāmikā bhavanti // (10.2) Par.?