Texts

mārkaṇḍeya uvāca / (1.1) Par.?

āsan pūrvayuge tāta bharadvājātmajā dvijāḥ / (1.2) Par.?

yogadharmam anuprāpya bhraṣṭā duścaritena vai // (1.3) Par.?

apabhraṃśam anuprāptā yogadharmāpacāriṇaḥ / (2.1) Par.?

mahatas tamasaḥ pāre mānasasya visaṃjñitāḥ // (2.2) Par.?

tam evārtham anudhyānto naṣṭam apsv iva mohitāḥ / (3.1) Par.?

aprāpya yogaṃ te sarve saṃyuktāḥ kāladharmaṇā // (3.2) Par.?

tatas te yogavibhraṣṭā deveṣu suciroṣitāḥ / (4.1) Par.?

jātāḥ kauśikadāyādāḥ kurukṣetre nararṣabha // (4.2) Par.?

hiṃsayā vicariṣyanto dharmaṃ pitṛkṛtena vai / (5.1) Par.?

tatas te punar ājātiṃ bhraṣṭāḥ prāpsyanti kutsitāṃ // (5.2) Par.?

teṣāṃ pitṛprasādena pūrvajātikṛtena ca / (6.1) Par.?

smṛtir utpatsyate prāpya tāṃ tāṃ jātiṃ jugupsitām // (6.2) Par.?

te dharmacāriṇo nityaṃ bhaviṣyanti samāhitāḥ / (7.1) Par.?

brāhmaṇyaṃ pratilapsyanti tato bhūyaḥ svakarmaṇā // (7.2) Par.?

tataś ca yogaṃ prāpsyanti pūrvajātikṛtaṃ punaḥ / (8.1) Par.?

bhūyaḥ siddhim anuprāptāḥ sthānaṃ prāpsyanti śāśvatam // (8.2) Par.?

evaṃ dharme ca te buddhir bhaviṣyati punaḥ punaḥ / (9.1) Par.?

yogadharme ca nirataḥ prāpsyase siddhim uttamām // (9.2) Par.?

yogadharmāddhi dharmajña na dharmo 'sti viśeṣavān / (10.1) Par.?

variṣṭhaṃ sarvadharmāṇāṃ taṃ samācara bhārgava // (10.2) Par.?

kālasya pariṇāmena laghvāhāro jitendriyaḥ / (11.1) Par.?

tatparaḥ prayataḥ śrāddhī yogadharmam avāpsyasi / (11.2) Par.?

ity uktvā bhagavān devas tatraivāntaradhīyata // (11.3) Par.?

aṣṭādaśānāṃ varṣāṇām ekāham iti me matiḥ / (12.1) Par.?

upāsataś ca deveśaṃ varṣāṇy aṣṭādaśaiva me // (12.2) Par.?

prasādāt tasya devasya na glānir abhavat tadā / (13.1) Par.?

na kṣutpipāse kālaṃ vā jānāmi sma tadānagha / (13.2) Par.?

paścāc chiṣyasakāśāt tu kālaḥ saṃvidito mama // (13.3) Par.?