Texts

svarāntaḥ prathamas trirātro gāyatrī // (1.1) Par.?

prāṇo vai gāyatrī / (2.1) Par.?

prajāpatiḥ svaraḥ / (2.2) Par.?

prajāpatim evāpnoti // (2.3) Par.?

nidhanānto dvitīyas triṣṭup // (3.1) Par.?

vīryaṃ vai triṣṭup / (4.1) Par.?

traiṣṭubhaḥ puruṣo nidhanam / (4.2) Par.?

puruṣam evāpnoti // (4.3) Par.?

iḍāntas tṛtīyo jagatī // (5.1) Par.?

paśavo vā iḍā / (6.1) Par.?

paśavo jagatī / (6.2) Par.?

jāgatāḥ paśavaḥ / (6.3) Par.?

paśūn evāpnoti // (6.4) Par.?

prasṛtacchandāḥ prathamas trirātraḥ / (7.1) Par.?

tena so 'yātayāmā // (7.2) Par.?

athottarasya chandāṃsi vyūhanti / (8.1) Par.?

triṣṭubhaḥ pratipado bhavanti / (8.2) Par.?

triṣṭubhāṃ loke jagatyo jagatīnāṃ gāyatryaḥ / (8.3) Par.?

tena so 'yātayāmā // (8.4) Par.?

athottamasya chandāṃsi vy evohanti / (9.1) Par.?

jagatyaḥ pratipado bhavanti / (9.2) Par.?

jagatīnāṃ loke triṣṭubhas triṣṭubhāṃ gāyatryaḥ / (9.3) Par.?

teno eva so 'yātayāmā // (9.4) Par.?

api vā etā anyonyasyai lokam abhyadhyāyan / (10.1) Par.?

kāmam evainā gamayati / (10.2) Par.?

āpnoti taṃ kāmaṃ yasmai kāmāyaiṣa āhriyate // (10.3) Par.?

tasmād yujau na sadṛg vahatas tasmād vipariṇītau vahīyāṃsau bhavatas tasmād ubhayatodantaḥ syandante // (11.1) Par.?

tṛce vā anya ṛṣayo virājam apaśyan / (12.1) Par.?

vasiṣṭhaś ca caturṛce // (12.2) Par.?

na tena sa caturṛcaḥ / (13.1) Par.?

yat tṛce 'nyat sāma bhavati ekarce 'nyat / (13.2) Par.?

yad vāva catasṛṣv ekaṃ sāma sa eva caturṛcaḥ // (13.3) Par.?

sāma bhūyāṃsaṃ poṣaṃ puṣyati / (14.1) Par.?

tam anu poṣaṃ poṣuko bhavati // (14.2) Par.?

etaddha smāha muñjaḥ sāmaśravasaḥ etaṃ ha vai vayaṃ sāmnaḥ poṣaṃ vidmeti tasmād vayam apratigṛhṇanto na sahasrapoṣāc cyavāmahā iti // (15.1) Par.?

tad u ha smāha vāsiṣṭhaś caikitāneyaḥ / (16.1) Par.?

sāma ha vai nūnaṃ bhūyāṃsaṃ poṣaṃ puṣyati / (16.2) Par.?

tam anu poṣaṃ poṣuko bhavati / (16.3) Par.?

vidhavāyā iva tv evaitaj janma yad asāmnī caturthī / (16.4) Par.?

evaṃ ha vā ete vidur iti / (16.5) Par.?

tasmād eteṣāṃ yuvānaḥ śrotriyāḥ purāyuṣaḥ pramāyukā bhavanti / (16.6) Par.?

yuvatayo jāyā vidhavā bhavantīti / (16.7) Par.?

yat tṛce 'nyat sāma bhavaty ekarce 'nyad yad vāva catasṛṣv ekaṃ sāma sa eva caturṛca iti // (16.8) Par.?

paśur atiricyate sa aindrāgna ālambhyaḥ // (17.1) Par.?

indrāgnī vai devānām ojiṣṭhau tā u ayātayāmānau tāv eva tad yunakti svargasya lokasya samaṣṭyai // (18.1) Par.?

sauryaṃ brahmavarcasakāma ālabheta // (19.1) Par.?

etasyāṃ vā ekādaśinyām ādityāḥ sūryam ajanayan / (20.1) Par.?

sa tejo brahmavarcasam avarundhate / (20.2) Par.?

ojasvī brahmavarcasī bhavati / (20.3) Par.?

ya evaṃ veda // (20.4) Par.?

atho khalv āhur āgneya evālambhya iti / (21.1) Par.?

agnir vai sarvā devatās tena na devatānāṃ kāṃcanāntareti // (21.2) Par.?