Texts

punar ūrjā nivartasva punar agna iṣāyuṣā / (1.1) Par.?

punar naḥ pāhy aṃhasaḥ // (1.2) Par.?

iti purastāt prayājānāṃ juhuyāt // (2.1) Par.?

saha rayyā nivartasvāgne pinvasva dhārayā / (3.1) Par.?

viśvapanyā viśvatas pari // (3.2) Par.?

ity upariṣṭād anuyājānāṃ juhuyāt // (4) Par.?

ūrjā vā eṣa paśubhir utsīdant sahotsīdati // (5) Par.?

punar ūrjā nivartasveti tad ūrjam eva paśūn punar avarunddhe // (6) Par.?

atho tān eva bhāginaḥ karoti // (7) Par.?

atho ubhayata eṣa yajñasyāśiṣa ṛdhnoti // (8) Par.?

nānāgneyaṃ kriyate // (9) Par.?

atha kasmād ājyabhāgā ijyete iti cakṣuṣī vā ete yajñasya yad ājyabhāgau // (10) Par.?

yad ājyabhāgā antariyāc cakṣuṣī yajñasyāntariyāt // (11) Par.?

agnā āyūṃṣi pavasā iti somasya loke kuryāt // (12) Par.?

yad āgneyī tenāgneyī // (13) Par.?

yat pāvamānī tena saumī // (14) Par.?

nānāgneyaṃ kriyate // (15) Par.?

na somam antaryanti // (16) Par.?

agnir mūrdhā divaḥ kakud iti prajākāmo vā paśukāmo vā somasya loke kuryāt // (17) Par.?

yan mithunā tena prajananavatī // (18) Par.?

yad retasvatī tena saumī // (19) Par.?

yajñena vā eṣa vyṛdhyate yo 'gnim utsādayate // (20) Par.?

pāṅkto yajñaḥ // (21) Par.?

yat pañcakapālo yajñam eva punar ālabhate // (22) Par.?

aṣṭākapālaḥ kāryaḥ // (23) Par.?

gāyatro hy agnir gāyatrachandāḥ // (24) Par.?

āgneyaṃ vā etat kriyate yat punarādheyam // (25) Par.?

tasmād aṣṭākapālaḥ // (26) Par.?

tan na sūrkṣyam // (27) Par.?

pañcakapāla eva kāryaḥ // (28) Par.?

pañcamād vā adhy ṛtoḥ ṣaṣṭha ṛtur abhavat // (29) Par.?

samānam etad yat pañcamaś ca ṛtuḥ ṣaṣṭhaś ca // (30) Par.?

yat pañcakapālaḥ saṃvatsarād evainam adhy āptvāvarunddhe // (31) Par.?

prajananaṃ vā ṛtavaḥ // (32) Par.?

agniḥ prajanayitā // (33) Par.?

yat pañcakapālaḥ prajananād evainaṃ prajanayitā prajanayati // (34) Par.?