UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 13783
- Click on a sentence to show its analysis
- Keep the mouse pointer over a lemma to show its meanings.
prajāpatir udgātā // (1)
Par.?
ūrg udumbaraḥ // (2)
Par.?
sa eṣa ūrji śritaḥ prajāpatiḥ prajābhya ūrjam annādyaṃ vibhajati // (3)
Par.?
udaṅṅ āsīna udgāyati // (4)
Par.?
udīcīm eva tad diśam ūrjā bhājayati // (5)
Par.?
pratyaṅṅ āsīnaḥ prastauti // (6)
Par.?
pratīcīm eva tad diśam ūrjā bhājayati // (7)
Par.?
dakṣiṇāsīnaḥ pratiharati // (8)
Par.?
dakṣiṇām eva tad diśam ūrjā bhājayati // (9)
Par.?
prāñco 'nya ṛtvija ārtvijyaṃ kurvanti // (10)
Par.?
prācīm eva tad diśam ūrjā bhājayanti // (11)
Par.?
tasmād eṣā diśāṃ vīryavattamopajīvanīyatamā bhūyiṣṭhaiḥ prītā // (12)
Par.?
tasmād yat prajā avṛttiṃ niyanti prācīr eva yanti // (13)
Par.?
eṣā hi diśāṃ vīryavattamopajīvanīyatamā bhūyiṣṭhaiḥ prītā // (14)
Par.?
yad udīcīnadevatyā udgātāro 'tha kasmād viparyāvṛtya diśa ārtvijyaṃ kurvantīty āhuḥ // (15)
Par.?
sa brūyād diśām abhīṣṭyai diśām abhiprītyai // (16)
Par.?
tasmāt sarvāsu dikṣv annaṃ vidyata iti // (17)
Par.?
ud divaṃ stabhānāntarikṣaṃ pṛṇa pṛthivīm upareṇa dṛṃha dyutānas tvā māruto minotu mitrāvaruṇayor dhruveṇa dharmaṇā ghṛtena dyāvāpṛthivī āprīṇāthāṃ supippalā oṣadhīḥ kṛdhi svāhety audumbarīm abhijuhoti // (18)
Par.?
imān evaitallokān rasenānakti // (19)
Par.?
Duration=0.16709589958191 secs.