Texts

brahmovāca / (1.1) Par.?

śravaṇadvādaśīṃ vakṣye bhuktimuktipradāyinīm / (1.2) Par.?

ekādaśī dvādaśī ca śravaṇena ca saṃyutā // (1.3) Par.?

vijayā sā tithiḥ proktā haripūjādi cākṣayam / (2.1) Par.?

ekabhaktena naktena tathaivāyācitena ca // (2.2) Par.?

upavāsena bhaikṣyeṇa naivādbādaśiko bhavet / (3.1) Par.?

kāṃsyaṃ māṃsaṃ tathā kṣaudraṃ lobhaṃ vitathabhāṣaṇam // (3.2) Par.?

vyāyāmaṃ ca vyavāyaṃ ca divāsvapnamathāñjanam / (4.1) Par.?

śilāpiṣṭaṃ masūraṃ ca dvādaśyāṃ varjayennaraḥ // (4.2) Par.?

māsi bhādrapade śuklā dvādaśī śravaṇānvitā / (5.1) Par.?

mahatī dvādaśī jñeyā upavāse mahāphalā // (5.2) Par.?

saṃgamasaritāṃ snānaṃ budhayuktā mahāphalā / (6.1) Par.?

kuṃbhe saratne sajale yajetsvarṇaṃ tu vāmanam // (6.2) Par.?

sitavastrayugacchannaṃ chatropānadyugānvitam / (7.1) Par.?

oṃ namo vāsudevāya śiraḥ sampūjayettataḥ // (7.2) Par.?

śrīdharāya mukhaṃ tadvatkaṇṭhaṃ kṛṣṇāya vai namaḥ / (8.1) Par.?

namaḥ śrīpataye vakṣo bhujau sarvāstradhāriṇe // (8.2) Par.?

vyāpakāya namaḥ kukṣau keśavāyodaraṃ budhaḥ / (9.1) Par.?

trailokyapataye meḍhraṃ jaṅghe sarvabhṛte namaḥ // (9.2) Par.?

sarvātmane namaḥ pādau naivedyaṃ ghṛtapāyasam / (10.1) Par.?

kumbhāṃśca modakāndadyājjāgaraṃ kārayenniśi // (10.2) Par.?

snātvācānto 'rcayitvā tu kṛtapuṣpāñjalirvadet / (11.1) Par.?

namonamaste govinda budha śravaṇasaṃjñaka // (11.2) Par.?

aghaughasaṃkṣayaṃ kṛtvā sarvasaukhyaprado bhava / (12.1) Par.?

prīyatāṃ devadeveśo viprebhyaḥ kalaśāndadet / (12.2) Par.?

nadyastīre 'yaḥ vā kuryātsarvānkāmānavāpnuyāt // (12.3) Par.?

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe śravaṇadvādaśīvratanirūpaṇaṃ nāma ṣaṭtriṃśaduttaraśatatamo 'dhyāyaḥ // (13.1) Par.?