UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1102
- Click on a sentence to show its analysis
- Keep the mouse pointer over a lemma to show its meanings.
upāsya rātriśeṣaṃ tu śoṇākūle maharṣibhiḥ / (1.1)
Par.?
niśāyāṃ suprabhātāyāṃ viśvāmitro 'bhyabhāṣata // (1.2)
Par.?
suprabhātā niśā rāma pūrvā saṃdhyā pravartate / (2.1)
Par.?
uttiṣṭhottiṣṭha bhadraṃ te gamanāyābhirocaya // (2.2)
Par.?
tac chrutvā vacanaṃ tasya kṛtvā paurvāhṇikīṃ kriyām / (3.1)
Par.?
gamanaṃ rocayāmāsa vākyaṃ cedam uvāca ha // (3.2)
Par.?
ayaṃ śoṇaḥ śubhajalo gādhaḥ pulinamaṇḍitaḥ / (4.1)
Par.?
katareṇa pathā brahman saṃtariṣyāmahe vayam // (4.2)
Par.?
evam uktas tu rāmeṇa viśvāmitro 'bravīd idam / (5.1)
Par.?
eṣa panthā mayoddiṣṭo yena yānti maharṣayaḥ // (5.2)
Par.?
te gatvā dūram adhvānaṃ gate 'rdhadivase tadā / (6.1)
Par.?
jāhnavīṃ saritāṃ śreṣṭhāṃ dadṛśur munisevitām // (6.2)
Par.?
tāṃ dṛṣṭvā puṇyasalilāṃ haṃsasārasasevitām / (7.1)
Par.?
babhūvur muditāḥ sarve munayaḥ saharāghavāḥ / (7.2)
Par.?
tasyās tīre tataś cakrus te āvāsaparigraham // (7.3)
Par.?
tataḥ snātvā yathānyāyaṃ saṃtarpya pitṛdevatāḥ / (8.1)
Par.?
hutvā caivāgnihotrāṇi prāśya cāmṛtavaddhaviḥ // (8.2)
Par.?
viviśur jāhnavītīre śucau muditamānasāḥ / (9.1)
Par.?
viśvāmitraṃ mahātmānaṃ parivārya samantataḥ // (9.2)
Par.?
samprahṛṣṭamanā rāmo viśvāmitram athābravīt / (10.1)
Par.?
bhagavañ śrotum icchāmi gaṅgāṃ tripathagāṃ nadīm / (10.2)
Par.?
trailokyaṃ katham ākramya gatā nadanadīpatim // (10.3)
Par.?
codito rāmavākyena viśvāmitro mahāmuniḥ / (11.1)
Par.?
vṛddhiṃ janma ca gaṅgāyā vaktum evopacakrame // (11.2) Par.?
śailendro himavān nāma dhātūnām ākaro mahān / (12.1)
Par.?
tasya kanyādvayaṃ rāma rūpeṇāpratimaṃ bhuvi // (12.2)
Par.?
yā meruduhitā rāma tayor mātā sumadhyamā / (13.1)
Par.?
nāmnā menā manojñā vai patnī himavataḥ priyā // (13.2)
Par.?
tasyāṃ gaṅgeyam abhavaj jyeṣṭhā himavataḥ sutā / (14.1)
Par.?
umā nāma dvitīyābhūt kanyā tasyaiva rāghava // (14.2)
Par.?
atha jyeṣṭhāṃ surāḥ sarve devatārthacikīrṣayā / (15.1)
Par.?
śailendraṃ varayāmāsur gaṅgāṃ tripathagāṃ nadīm // (15.2)
Par.?
dadau dharmeṇa himavāṃs tanayāṃ lokapāvanīm / (16.1)
Par.?
svacchandapathagāṃ gaṅgāṃ trailokyahitakāmyayā // (16.2)
Par.?
pratigṛhya trilokārthaṃ trilokahitakāriṇaḥ / (17.1)
Par.?
gaṅgām ādāya te 'gacchan kṛtārthenāntarātmanā // (17.2)
Par.?
yā cānyā śailaduhitā kanyāsīd raghunandana / (18.1)
Par.?
ugraṃ sā vratam āsthāya tapas tepe tapodhanā // (18.2)
Par.?
ugreṇa tapasā yuktāṃ dadau śailavaraḥ sutām / (19.1)
Par.?
rudrāyāpratirūpāya umāṃ lokanamaskṛtām // (19.2)
Par.?
ete te śailarājasya sute lokanamaskṛte / (20.1)
Par.?
gaṅgā ca saritāṃ śreṣṭhā umā devī ca rāghava // (20.2)
Par.?
etat te dharmam ākhyātaṃ yathā tripathagā nadī / (21.1)
Par.?
khaṃ gatā prathamaṃ tāta gatiṃ gatimatāṃ vara // (21.2)
Par.?
Duration=0.06574010848999 secs.