UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1194
- Click on a sentence to show its analysis
- Keep the mouse pointer over a lemma to show its meanings.
sa evaṃ bruvatīṃ sītāṃ dharmajño dharmavatsalaḥ / (1.1)
Par.?
nivartanārthe dharmātmā vākyam etad uvāca ha // (1.2)
Par.?
sīte mahākulīnāsi dharme ca niratā sadā / (2.1)
Par.?
ihācara svadharmaṃ tvaṃ mā yathā manasaḥ sukham // (2.2)
Par.?
sīte yathā tvāṃ vakṣyāmi tathā kāryaṃ tvayābale / (3.1)
Par.?
vane doṣā hi bahavo vadatas tān nibodha me // (3.2)
Par.?
sīte vimucyatām eṣā vanavāsakṛtā matiḥ / (4.1)
Par.?
bahudoṣaṃ hi kāntāraṃ vanam ity abhidhīyate // (4.2)
Par.?
hitabuddhyā khalu vaco mayaitad abhidhīyate / (5.1)
Par.?
sadā sukhaṃ na jānāmi duḥkham eva sadā vanam // (5.2)
Par.?
girinirjharasambhūtā girikandaravāsinām / (6.1)
Par.?
siṃhānāṃ ninadā duḥkhāḥ śrotuṃ duḥkham ato vanam // (6.2)
Par.?
supyate parṇaśayyāsu svayaṃ bhagnāsu bhūtale / (7.1)
Par.?
rātriṣu śramakhinnena tasmād duḥkhataraṃ vanam // (7.2)
Par.?
upavāsaś ca kartavyo yathāprāṇena maithili / (8.1) Par.?
jaṭābhāraś ca kartavyo valkalāmbaradhāriṇā // (8.2)
Par.?
atīva vātas timiraṃ bubhukṣā cātra nityaśaḥ / (9.1)
Par.?
bhayāni ca mahānty atra tato duḥkhataraṃ vanam // (9.2)
Par.?
sarīsṛpāś ca bahavo bahurūpāś ca bhāmini / (10.1)
Par.?
caranti pṛthivīṃ darpād ato duḥkhataraṃ vanam // (10.2)
Par.?
nadīnilayanāḥ sarpā nadīkuṭilagāminaḥ / (11.1)
Par.?
tiṣṭhanty āvṛtya panthānam ato duḥkhataraṃ vanam // (11.2)
Par.?
pataṃgā vṛścikāḥ kīṭā daṃśāś ca maśakaiḥ saha / (12.1)
Par.?
bādhante nityam abale sarvaṃ duḥkham ato vanam // (12.2)
Par.?
drumāḥ kaṇṭakinaś caiva kuśakāśāś ca bhāmini / (13.1)
Par.?
vane vyākulaśākhāgrās tena duḥkhataraṃ vanam // (13.2)
Par.?
tad alaṃ te vanaṃ gatvā kṣamaṃ na hi vanaṃ tava / (14.1)
Par.?
vimṛśann iha paśyāmi bahudoṣataraṃ vanam // (14.2)
Par.?
vanaṃ tu netuṃ na kṛtā matis tadā babhūva rāmeṇa yadā mahātmanā / (15.1)
Par.?
na tasya sītā vacanaṃ cakāra tat tato 'bravīd rāmam idaṃ suduḥkhitā // (15.2)
Par.?
Duration=0.057191848754883 secs.