UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1383
- Click on a sentence to show its analysis
- Keep the mouse pointer over a lemma to show its meanings.
vyuṣya rātriṃ tu tatraiva gaṅgākūle sa rāghavaḥ / (1.1)
Par.?
bharataḥ kālyam utthāya śatrughnam idam abravīt // (1.2)
Par.?
śatrughnottiṣṭha kiṃ śeṣe niṣādādhipatiṃ guham / (2.1) Par.?
śīghram ānaya bhadraṃ te tārayiṣyati vāhinīm // (2.2)
Par.?
jāgarmi nāhaṃ svapimi tathaivāryaṃ vicintayan / (3.1)
Par.?
ity evam abravīd bhrātrā śatrughno 'pi pracoditaḥ // (3.2)
Par.?
iti saṃvadator evam anyonyaṃ narasiṃhayoḥ / (4.1)
Par.?
āgamya prāñjaliḥ kāle guho bharatam abravīt // (4.2)
Par.?
kaccit sukhaṃ nadītīre 'vātsīḥ kākutstha śarvarīm / (5.1)
Par.?
kaccic ca saha sainyasya tava sarvam anāmayam // (5.2)
Par.?
guhasya tat tu vacanaṃ śrutvā snehād udīritam / (6.1)
Par.?
rāmasyānuvaśo vākyaṃ bharato 'pīdam abravīt // (6.2)
Par.?
sukhā naḥ śarvarī rājan pūjitāś cāpi te vayam / (7.1)
Par.?
gaṅgāṃ tu naubhir bahvībhir dāśāḥ saṃtārayantu naḥ // (7.2)
Par.?
tato guhaḥ saṃtvaritaḥ śrutvā bharataśāsanam / (8.1)
Par.?
pratipraviśya nagaraṃ taṃ jñātijanam abravīt // (8.2)
Par.?
uttiṣṭhata prabudhyadhvaṃ bhadram astu hi vaḥ sadā / (9.1)
Par.?
nāvaḥ samanukarṣadhvaṃ tārayiṣyāma vāhinīm // (9.2)
Par.?
te tathoktāḥ samutthāya tvaritā rājaśāsanāt / (10.1)
Par.?
pañca nāvāṃ śatāny eva samāninyuḥ samantataḥ // (10.2)
Par.?
anyāḥ svastikavijñeyā mahāghaṇṭādharā varāḥ / (11.1)
Par.?
śobhamānāḥ patākinyo yuktavātāḥ susaṃhatāḥ // (11.2)
Par.?
tataḥ svastikavijñeyāṃ pāṇḍukambalasaṃvṛtām / (12.1)
Par.?
sanandighoṣāṃ kalyāṇīṃ guho nāvam upāharat // (12.2)
Par.?
tām āruroha bharataḥ śatrughnaś ca mahābalaḥ / (13.1)
Par.?
kausalyā ca sumitrā ca yāś cānyā rājayoṣitaḥ // (13.2)
Par.?
purohitaś ca tat pūrvaṃ guravo brāhmaṇāś ca ye / (14.1)
Par.?
anantaraṃ rājadārās tathaiva śakaṭāpaṇāḥ // (14.2)
Par.?
āvāsam ādīpayatāṃ tīrthaṃ cāpy avagāhatām / (15.1)
Par.?
bhāṇḍāni cādadānānāṃ ghoṣas tridivam aspṛśat // (15.2)
Par.?
patākinyas tu tā nāvaḥ svayaṃ dāśair adhiṣṭhitāḥ / (16.1)
Par.?
vahantyo janam ārūḍhaṃ tadā saṃpetur āśugāḥ // (16.2)
Par.?
nārīṇām abhipūrṇās tu kāścit kāścit tu vājinām / (17.1)
Par.?
kāścit tatra vahanti sma yānayugyaṃ mahādhanam // (17.2)
Par.?
tāḥ sma gatvā paraṃ tīram avaropya ca taṃ janam / (18.1)
Par.?
nivṛttāḥ kāṇḍacitrāṇi kriyante dāśabandhubhiḥ // (18.2)
Par.?
savaijayantās tu gajā gajārohaiḥ pracoditāḥ / (19.1)
Par.?
tarantaḥ sma prakāśante sadhvajā iva parvatāḥ // (19.2)
Par.?
nāvaś cāruruhus tv anye plavais terus tathāpare / (20.1)
Par.?
anye kumbhaghaṭais terur anye teruś ca bāhubhiḥ // (20.2)
Par.?
sā puṇyā dhvajinī gaṅgāṃ dāśaiḥ saṃtāritā svayam / (21.1)
Par.?
maitre muhūrte prayayau prayāgavanam uttamam // (21.2)
Par.?
āśvāsayitvā ca camūṃ mahātmā niveśayitvā ca yathopajoṣam / (22.1)
Par.?
draṣṭuṃ bharadvājam
ṛṣipravaryam ṛtvigvṛtaḥ san bharataḥ pratasthe // (22.2)
Par.?
Duration=0.078508853912354 secs.