UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1682
- Click on a sentence to show its analysis
- Keep the mouse pointer over a lemma to show its meanings.
tataḥ śūrpaṇakhā dīnā rāvaṇaṃ lokarāvaṇam / (1.1)
Par.?
amātyamadhye saṃkruddhā paruṣaṃ vākyam abravīt // (1.2)
Par.?
pramattaḥ kāmabhogeṣu svairavṛtto niraṅkuśaḥ / (2.1)
Par.?
samutpannaṃ bhayaṃ ghoraṃ boddhavyaṃ nāvabudhyase // (2.2)
Par.?
saktaṃ grāmyeṣu bhogeṣu kāmavṛttaṃ mahīpatim / (3.1)
Par.?
lubdhaṃ na bahu manyante śmaśānāgnim iva prajāḥ // (3.2)
Par.?
svayaṃ kāryāṇi yaḥ kāle nānutiṣṭhati pārthivaḥ / (4.1) Par.?
sa tu vai saha rājyena taiś ca kāryair vinaśyati // (4.2)
Par.?
ayuktacāraṃ durdarśam asvādhīnaṃ narādhipam / (5.1)
Par.?
varjayanti narā dūrān nadīpaṅkam iva dvipāḥ // (5.2)
Par.?
ye na rakṣanti viṣayam asvādhīnā narādhipāḥ / (6.1)
Par.?
te na vṛddhyā prakāśante girayaḥ sāgare yathā // (6.2)
Par.?
ātmavadbhir vigṛhya tvaṃ devagandharvadānavaiḥ / (7.1)
Par.?
ayuktacāraś capalaḥ kathaṃ rājā bhaviṣyasi // (7.2)
Par.?
yeṣāṃ cāraś ca kośaś ca nayaś ca jayatāṃ vara / (8.1)
Par.?
asvādhīnā narendrāṇāṃ prākṛtais te janaiḥ samāḥ // (8.2)
Par.?
yasmāt paśyanti dūrasthān sarvān arthān narādhipāḥ / (9.1)
Par.?
cāreṇa tasmād ucyante rājāno dīrghacakṣuṣaḥ // (9.2)
Par.?
ayuktacāraṃ manye tvāṃ prākṛtaiḥ sacivair vṛtam / (10.1)
Par.?
svajanaṃ ca janasthānaṃ hataṃ yo nāvabudhyase // (10.2)
Par.?
caturdaśa sahasrāṇi rakṣasāṃ bhīmakarmaṇām / (11.1)
Par.?
hatāny ekena rāmeṇa kharaś ca sahadūṣaṇaḥ // (11.2)
Par.?
ṛṣīṇām abhayaṃ dattaṃ kṛtakṣemāś ca daṇḍakāḥ / (12.1)
Par.?
dharṣitaṃ ca janasthānaṃ rāmeṇākliṣṭakarmaṇā // (12.2)
Par.?
tvaṃ tu lubdhaḥ pramattaś ca parādhīnaś ca rāvaṇa / (13.1)
Par.?
viṣaye sve samutpannaṃ bhayaṃ yo nāvabudhyase // (13.2)
Par.?
tīkṣṇam alpapradātāraṃ pramattaṃ garvitaṃ śaṭham / (14.1)
Par.?
vyasane sarvabhūtāni nābhidhāvanti pārthivam // (14.2)
Par.?
atimāninam agrāhyam ātmasaṃbhāvitaṃ naram / (15.1)
Par.?
krodhanaṃ vyasane hanti svajano 'pi narādhipam // (15.2)
Par.?
nānutiṣṭhati kāryāṇi bhayeṣu na bibheti ca / (16.1)
Par.?
kṣipraṃ rājyāc cyuto dīnas tṛṇais tulyo bhaviṣyati // (16.2)
Par.?
śuṣkakāṣṭhair bhavet kāryaṃ loṣṭair api ca pāṃsubhiḥ / (17.1)
Par.?
na tu sthānāt paribhraṣṭaiḥ kāryaṃ syād vasudhādhipaiḥ // (17.2)
Par.?
upabhuktaṃ yathā vāsaḥ srajo vā mṛditā yathā / (18.1)
Par.?
evaṃ rājyāt paribhraṣṭaḥ samartho 'pi nirarthakaḥ // (18.2)
Par.?
apramattaś ca yo rājā sarvajño vijitendriyaḥ / (19.1)
Par.?
kṛtajño dharmaśīlaś ca sa rājā tiṣṭhate ciram // (19.2)
Par.?
nayanābhyāṃ prasupto 'pi jāgarti nayacakṣuṣā / (20.1)
Par.?
vyaktakrodhaprasādaś ca sa rājā pūjyate janaiḥ // (20.2)
Par.?
tvaṃ tu rāvaṇa durbuddhir guṇair etair vivarjitaḥ / (21.1)
Par.?
yasya te 'viditaś cārai rakṣasāṃ sumahān vadhaḥ // (21.2)
Par.?
parāvamantā viṣayeṣu saṃgato na deśakālapravibhāgatattvavit / (22.1)
Par.?
ayuktabuddhir guṇadoṣaniścaye vipannarājyo nacirād vipatsyate // (22.2)
Par.?
iti svadoṣān parikīrtitāṃs tayā samīkṣya buddhyā kṣaṇadācareśvaraḥ / (23.1)
Par.?
dhanena darpeṇa balena cānvito vicintayāmāsa ciraṃ sa rāvaṇaḥ // (23.2)
Par.?
Duration=0.56828784942627 secs.