Texts

athātaḥ skandhagrahapratiṣedhaṃ vyākhyāsyāmaḥ // (1) Par.?

yathovāca bhagavān dhanvantariḥ // (2) Par.?

skandagrahopasṛṣṭānāṃ kumārāṇāṃ praśasyate / (3.1) Par.?

vātaghnadrumapatrāṇāṃ niṣkvāthaḥ pariṣecane // (3.2) Par.?

teṣāṃ mūleṣu siddhaṃ ca tailamabhyañjane hitam / (4.1) Par.?

sarvagandhasurāmaṇḍakaiḍaryāvāpam iṣyate // (4.2) Par.?

devadāruṇi rāsnāyāṃ madhureṣu drumeṣu ca / (5.1) Par.?

siddhaṃ sarpiśca sakṣīraṃ pānamasmai prayojayet // (5.2) Par.?

sarṣapāḥ sarpanirmoko vacā kākādanī ghṛtam / (6.1) Par.?

uṣṭrājāvigavāṃ caiva romāṇyuddhūpanaṃ śiśoḥ // (6.2) Par.?

somavallīmindravallīṃ śamīṃ bilvasya kaṇṭakān / (7.1) Par.?

mṛgādanyāśca mūlāni grathitānyeva dhārayet // (7.2) Par.?

raktāni mālyāni tathā patākā raktāśca gandhā vividhāśca bhakṣyāḥ / (8.1) Par.?

ghaṇṭā ca devāya balirnivedyaḥ sukukkuṭaḥ skandagrahe hitāya // (8.2) Par.?

snānaṃ trirātraṃ niśi catvareṣu kuryāt puraṃ śāliyavair navaistu / (9.1) Par.?

adbhiśca gāyatryabhimantritābhiḥ prajvālanaṃ vyāhṛtibhiśca vahneḥ // (9.2) Par.?

rakṣāmataḥ pravakṣyāmi bālānāṃ pāpanāśinīm / (10.1) Par.?

ahanyahani kartavyā yā bhiṣagbhiratandritaiḥ // (10.2) Par.?

tapasāṃ tejasāṃ caiva yaśasāṃ vapuṣāṃ tathā / (11.1) Par.?

nidhānaṃ yo 'vyayo devaḥ sa te skandaḥ prasīdatu // (11.2) Par.?

grahasenāpatirdevo devasenāpatirvibhuḥ / (12.1) Par.?

devasenāripuharaḥ pātu tvāṃ bhagavān guhaḥ // (12.2) Par.?

devadevasya mahataḥ pāvakasya ca yaḥ sutaḥ / (13.1) Par.?

gaṅgomākṛttikānāṃ ca sa te śarma prayacchatu // (13.2) Par.?

raktamālyāmbaraḥ śrīmān raktacandanabhūṣitaḥ / (14.1) Par.?

raktadivyavapurdevaḥ pātu tvāṃ krauñcasūdanaḥ // (14.2) Par.?