Texts

janamejaya uvāca / (1.1) Par.?

te tathā puruṣavyāghrā nihatya bakarākṣasam / (1.2) Par.?

ata ūrdhvaṃ tato brahman kim akurvata pāṇḍavāḥ // (1.3) Par.?

vaiśaṃpāyana uvāca / (2.1) Par.?

tatraiva nyavasan rājan nihatya bakarākṣasam / (2.2) Par.?

adhīyānāḥ paraṃ brahma brāhmaṇasya niveśane // (2.3) Par.?

tataḥ katipayāhasya brāhmaṇaḥ saṃśitavrataḥ / (3.1) Par.?

pratiśrayārthaṃ tad veśma brāhmaṇasyājagāma ha // (3.2) Par.?

sa samyak pūjayitvā taṃ vidvān viprarṣabhastadā / (4.1) Par.?

dadau pratiśrayaṃ tasmai sadā sarvātithivratī // (4.2) Par.?

tataste pāṇḍavāḥ sarve saha kuntyā nararṣabhāḥ / (5.1) Par.?

upāsāṃcakrire vipraṃ kathayānaṃ kathāstadā // (5.2) Par.?

kathayāmāsa deśān sa tīrthāni vividhāni ca / (6.1) Par.?

rājñāṃ ca vividhāścaryāḥ purāṇi vividhāni ca // (6.2) Par.?

sa tatrākathayad vipraḥ kathānte janamejaya / (7.1) Par.?

pāñcāleṣvadbhutākāraṃ yājñasenyāḥ svayaṃvaram // (7.2) Par.?

dhṛṣṭadyumnasya cotpattim utpattiṃ ca śikhaṇḍinaḥ / (8.1) Par.?

ayonijatvaṃ kṛṣṇāyā drupadasya mahāmakhe // (8.2) Par.?

tad adbhutatamaṃ śrutvā loke tasya mahātmanaḥ / (9.1) Par.?

vistareṇaiva papracchuḥ kathāṃ tāṃ puruṣarṣabhāḥ // (9.2) Par.?

kathaṃ drupadaputrasya dhṛṣṭadyumnasya pāvakāt / (10.1) Par.?

vedimadhyācca kṛṣṇāyāḥ saṃbhavaḥ katham adbhutaḥ // (10.2) Par.?

kathaṃ droṇān maheṣvāsāt sarvāṇyastrāṇyaśikṣata / (11.1) Par.?

*dhṛṣṭadyumno maheṣvāsaḥ kathaṃ droṇasya mṛtyudaḥ / (11.2) Par.?

kathaṃ priyasakhāyau tau bhinnau kasya kṛtena ca // (11.3) Par.?

evaṃ taiścodito rājan sa vipraḥ puruṣarṣabhaiḥ / (12.1) Par.?

kathayāmāsa tat sarvaṃ draupadīsaṃbhavaṃ tadā // (12.2) Par.?