Texts

mārkaṇḍeya uvāca / (1.1) Par.?

grahāḥ sopagrahāścaiva ṛṣayo mātaras tathā / (1.2) Par.?

hutāśanamukhāś cāpi dīptāḥ pāriṣadāṃ gaṇāḥ // (1.3) Par.?

ete cānye ca bahavo ghorās tridivavāsinaḥ / (2.1) Par.?

parivārya mahāsenaṃ sthitā mātṛgaṇaiḥ saha // (2.2) Par.?

saṃdigdhaṃ vijayaṃ dṛṣṭvā vijayepsuḥ sureśvaraḥ / (3.1) Par.?

āruhyairāvataskandhaṃ prayayau daivataiḥ saha / (3.2) Par.?

vijighāṃsur mahāsenam indras tūrṇataraṃ yayau // (3.3) Par.?

ugraṃ tacca mahāvegaṃ devānīkaṃ mahāprabham / (4.1) Par.?

vicitradhvajasaṃnāhaṃ nānāvāhanakārmukam / (4.2) Par.?

pravarāmbarasaṃvītaṃ śriyā juṣṭam alaṃkṛtam // (4.3) Par.?

vijighāṃsuṃ tadāyāntaṃ kumāraḥ śakram abhyayāt / (5.1) Par.?

vinadan pathi śakras tu drutaṃ yāti mahābalaḥ / (5.2) Par.?

saṃharṣayan devasenāṃ jighāṃsuḥ pāvakātmajam // (5.3) Par.?

sampūjyamānas tridaśais tathaiva paramarṣibhiḥ / (6.1) Par.?

samīpam upasaṃprāptaḥ kārttikeyasya vāsavaḥ // (6.2) Par.?

siṃhanādaṃ tataścakre deveśaḥ sahitaḥ suraiḥ / (7.1) Par.?

guho 'pi śabdaṃ taṃ śrutvā vyanadat sāgaro yathā // (7.2) Par.?

tasya śabdena mahatā samuddhūtodadhiprabham / (8.1) Par.?

babhrāma tatra tatraiva devasainyam acetanam // (8.2) Par.?

jighāṃsūn upasaṃprāptān devān dṛṣṭvā sa pāvakiḥ / (9.1) Par.?

visasarja mukhāt kruddhaḥ pravṛddhāḥ pāvakārciṣaḥ / (9.2) Par.?

tā devasainyānyadahan veṣṭamānāni bhūtale // (9.3) Par.?

te pradīptaśirodehāḥ pradīptāyudhavāhanāḥ / (10.1) Par.?

pracyutāḥ sahasā bhānti citrās tārāgaṇā iva // (10.2) Par.?

dahyamānāḥ prapannās te śaraṇaṃ pāvakātmajam / (11.1) Par.?

devā vajradharaṃ tyaktvā tataḥ śāntim upāgatāḥ // (11.2) Par.?

tyakto devais tataḥ skande vajraṃ śakro 'bhyavāsṛjat / (12.1) Par.?

tad visṛṣṭaṃ jaghānāśu pārśvaṃ skandasya dakṣiṇam / (12.2) Par.?

bibheda ca mahārāja pārśvaṃ tasya mahātmanaḥ // (12.3) Par.?

vajraprahārāt skandasya saṃjātaḥ puruṣo 'paraḥ / (13.1) Par.?

yuvā kāñcanasaṃnāhaḥ śaktidhṛg divyakuṇḍalaḥ / (13.2) Par.?

yad vajraviśanājjāto viśākhas tena so 'bhavat // (13.3) Par.?

taṃ jātam aparaṃ dṛṣṭvā kālānalasamadyutim / (14.1) Par.?

bhayād indras tataḥ skandaṃ prāñjaliḥ śaraṇaṃ gataḥ // (14.2) Par.?

tasyābhayaṃ dadau skandaḥ sahasainyasya sattama / (15.1) Par.?

tataḥ prahṛṣṭās tridaśā vāditrāṇyabhyavādayan // (15.2) Par.?