Texts

uttara uvāca / (1.1) Par.?

adyāham anugaccheyaṃ dṛḍhadhanvā gavāṃ padam / (1.2) Par.?

yadi me sārathiḥ kaścid bhaved aśveṣu kovidaḥ // (1.3) Par.?

tam eva nādhigacchāmi yo me yantā bhavennaraḥ / (2.1) Par.?

paśyadhvaṃ sārathiṃ kṣipraṃ mama yuktaṃ prayāsyataḥ // (2.2) Par.?

aṣṭāviṃśatirātraṃ vā māsaṃ vā nūnam antataḥ / (3.1) Par.?

yat tad āsīnmahad yuddhaṃ tatra me sārathir hataḥ // (3.2) Par.?

sa labheyaṃ yadi tvanyaṃ hayayānavidaṃ naram / (4.1) Par.?

tvarāvān adya yātvāhaṃ samucchritamahādhvajam // (4.2) Par.?

vigāhya tat parānīkaṃ gajavājirathākulam / (5.1) Par.?

śastrapratāpanirvīryān kurūñ jitvānaye paśūn // (5.2) Par.?

duryodhanaṃ śāṃtanavaṃ karṇaṃ vaikartanaṃ kṛpam / (6.1) Par.?

droṇaṃ ca saha putreṇa maheṣvāsān samāgatān // (6.2) Par.?

vitrāsayitvā saṃgrāme dānavān iva vajrabhṛt / (7.1) Par.?

anenaiva muhūrtena punaḥ pratyānaye paśūn // (7.2) Par.?

śūnyam āsādya kuravaḥ prayāntyādāya godhanam / (8.1) Par.?

kiṃ nu śakyaṃ mayā kartuṃ yad ahaṃ tatra nābhavam // (8.2) Par.?

paśyeyur adya me vīryaṃ kuravaste samāgatāḥ / (9.1) Par.?

kiṃ nu pārtho 'rjunaḥ sākṣād ayam asmān prabādhate // (9.2) Par.?

vaiśaṃpāyana uvāca / (10.1) Par.?

tasya tad vacanaṃ strīṣu bhāṣataḥ sma punaḥ punaḥ / (10.2) Par.?

nāmarṣayata pāñcālī bībhatsoḥ parikīrtanam // (10.3) Par.?

athainam upasaṃgamya strīmadhyāt sā tapasvinī / (11.1) Par.?

vrīḍamāneva śanakair idaṃ vacanam abravīt // (11.2) Par.?

yo 'sau bṛhadvāraṇābho yuvā supriyadarśanaḥ / (12.1) Par.?

bṛhannaḍeti vikhyātaḥ pārthasyāsīt sa sārathiḥ // (12.2) Par.?

dhanuṣy anavaraś cāsīt tasya śiṣyo mahātmanaḥ / (13.1) Par.?

dṛṣṭapūrvo mayā vīra carantyā pāṇḍavān prati // (13.2) Par.?

yadā tat pāvako dāvam adahat khāṇḍavaṃ mahat / (14.1) Par.?

arjunasya tadānena saṃgṛhītā hayottamāḥ // (14.2) Par.?

tena sārathinā pārthaḥ sarvabhūtāni sarvaśaḥ / (15.1) Par.?

ajayat khāṇḍavaprasthe na hi yantāsti tādṛśaḥ // (15.2) Par.?

yeyaṃ kumārī suśroṇī bhaginī te yavīyasī / (16.1) Par.?

asyāḥ sa vacanaṃ vīra kariṣyati na saṃśayaḥ // (16.2) Par.?

yadi vai sārathiḥ sa syāt kurūn sarvān asaṃśayam / (17.1) Par.?

jitvā gāśca samādāya dhruvam āgamanaṃ bhavet // (17.2) Par.?

evam uktaḥ sa sairandhryā bhaginīṃ pratyabhāṣata / (18.1) Par.?

gaccha tvam anavadyāṅgi tām ānaya bṛhannaḍām // (18.2) Par.?

sā bhrātrā preṣitā śīghram agacchan nartanāgṛham / (19.1) Par.?

yatrāste sa mahābāhuśchannaḥ satreṇa pāṇḍavaḥ // (19.2) Par.?