Texts

saṃjaya uvāca / (1.1) Par.?

yanmā pṛcchasi rājendra sindhurājasya vikramam / (1.2) Par.?

śṛṇu tat sarvam ākhyāsye yathā pāṇḍūn ayodhayat // (1.3) Par.?

tam ūhuḥ sārather vaśyāḥ saindhavāḥ sādhuvāhinaḥ / (2.1) Par.?

vikurvāṇā bṛhanto 'śvāḥ śvasanopamaraṃhasaḥ // (2.2) Par.?

gandharvanagarākāraṃ vidhivat kalpitaṃ ratham / (3.1) Par.?

tasyābhyaśobhayat ketur vārāho rājato mahān // (3.2) Par.?

śvetacchatrapatākābhiś cāmaravyajanena ca / (4.1) Par.?

sa babhau rājaliṅgais tais tārāpatir ivāmbare // (4.2) Par.?

muktāvajramaṇisvarṇair bhūṣitaṃ tad ayasmayam / (5.1) Par.?

varūthaṃ vibabhau tasya jyotirbhiḥ kham ivāvṛtam // (5.2) Par.?

sa visphārya mahaccāpaṃ kirann iṣugaṇān bahūn / (6.1) Par.?

tat khaṇḍaṃ pūrayāmāsa yad vyadārayad ārjuniḥ // (6.2) Par.?

sa sātyakiṃ tribhir bāṇair aṣṭabhiśca vṛkodaram / (7.1) Par.?

dhṛṣṭadyumnaṃ tathā ṣaṣṭyā virāṭaṃ daśabhiḥ śaraiḥ // (7.2) Par.?

drupadaṃ pañcabhistīkṣṇair daśabhiśca śikhaṇḍinam / (8.1) Par.?

kekayān pañcaviṃśatyā draupadeyāṃstribhistribhiḥ // (8.2) Par.?

yudhiṣṭhiraṃ ca saptatyā tataḥ śeṣān apānudat / (9.1) Par.?

iṣujālena mahatā tad adbhutam ivābhavat // (9.2) Par.?

athāsya śitapītena bhallenādiśya kārmukam / (10.1) Par.?

cicheda prahasan rājā dharmaputraḥ pratāpavān // (10.2) Par.?

akṣṇor nimeṣamātreṇa so 'nyad ādāya kārmukam / (11.1) Par.?

vivyādha daśabhiḥ pārtha tāṃścaivānyāṃstribhistribhiḥ // (11.2) Par.?

tasya tal lāghavaṃ jñātvā bhīmo bhallaistribhiḥ punaḥ / (12.1) Par.?

dhanur dhvajaṃ ca chatraṃ ca kṣitau kṣipram apātayat // (12.2) Par.?

so 'nyad ādāya balavān sajyaṃ kṛtvā ca kārmukam / (13.1) Par.?

bhīmasyāpothayat ketuṃ dhanur aśvāṃśca māriṣa // (13.2) Par.?

sa hatāśvād avaplutya chinnadhanvā rathottamāt / (14.1) Par.?

sātyaker āpluto yānaṃ giryagram iva kesarī // (14.2) Par.?

tatastvadīyāḥ saṃhṛṣṭāḥ sādhu sādhviti cukruśuḥ / (15.1) Par.?

sindhurājasya tat karma prekṣyāśraddheyam uttamam // (15.2) Par.?

saṃkruddhān pāṇḍavān eko yad dadhārāstratejasā / (16.1) Par.?

tat tasya karma bhūtāni sarvāṇyevābhyapūjayan // (16.2) Par.?

saubhadreṇa hataiḥ pūrvaṃ sottarāyudhibhir dvipaiḥ / (17.1) Par.?

pāṇḍūnāṃ darśitaḥ panthāḥ saindhavena nivāritaḥ // (17.2) Par.?

yatamānāstu te vīrā matsyapāñcālakekayāḥ / (18.1) Par.?

pāṇḍavāścānvapadyanta pratyaikaśyena saindhavam // (18.2) Par.?

yo yo hi yatate bhettuṃ droṇānīkaṃ tavāhitaḥ / (19.1) Par.?

taṃ taṃ devavaraprāptyā saindhavaḥ pratyavārayat // (19.2) Par.?