Texts

saṃjaya uvāca / (1.1) Par.?

teṣām anīkāni bṛhaddhvajāni raṇe samṛddhāni samāgatāni / (1.2) Par.?

garjanti bherīninadonmukhāni meghair yathā meghagaṇās tapānte // (1.3) Par.?

mahāgajābhrākulam astratoyaṃ vāditranemītalaśabdavacca / (2.1) Par.?

hiraṇyacitrāyudhavaidyutaṃ ca mahārathair āvṛtaśabdavacca // (2.2) Par.?

tad bhīmavegaṃ rudhiraughavāhi khaḍgākulaṃ kṣatriyajīvavāhi / (3.1) Par.?

anārtavaṃ krūram aniṣṭavarṣaṃ babhūva tat saṃharaṇaṃ prajānām // (3.2) Par.?

rathān sasūtān sahayān gajāṃś ca sarvān arīn mṛtyuvaśaṃ śaraughaiḥ / (4.1) Par.?

ninye hayāṃś caiva tathā sasādīn padātisaṃghāṃś ca tathaiva pārthaḥ // (4.2) Par.?

kṛpaḥ śikhaṇḍī ca raṇe sametau duryodhanaṃ sātyakir abhyagacchata / (5.1) Par.?

śrutaśravā droṇasutena sārdhaṃ yudhāmanyuś citrasenena cāpi // (5.2) Par.?

karṇasya putras tu rathī suṣeṇaṃ samāgataḥ sṛñjayāṃś cottamaujāḥ / (6.1) Par.?

gāndhārarājaṃ sahadevaḥ kṣudhārto maharṣabhaṃ siṃha ivābhyadhāvat // (6.2) Par.?

śatānīko nākuliḥ karṇaputraṃ yuvā yuvānaṃ vṛṣasenaṃ śaraughaiḥ / (7.1) Par.?

samārdayat karṇasutaś ca vīraḥ pāñcāleyaṃ śaravarṣair anekaiḥ // (7.2) Par.?

ratharṣabhaḥ kṛtavarmāṇam ārchan mādrīputro nakulaś citrayodhī / (8.1) Par.?

pāñcālānām adhipo yājñaseniḥ senāpatiṃ karṇam ārchat sasainyam // (8.2) Par.?

duḥśāsano bhārata bhāratī ca saṃśaptakānāṃ pṛtanā samṛddhā / (9.1) Par.?

bhīmaṃ raṇe śastrabhṛtāṃ variṣṭhaṃ tadā samārchat tam asahyavegam // (9.2) Par.?

karṇātmajaṃ tatra jaghāna śūras tathāchinac cottamaujāḥ prasahya / (10.1) Par.?

tasyottamāṅgaṃ nipapāta bhūmau ninādayad gāṃ ninadena khaṃ ca // (10.2) Par.?

suṣeṇaśīrṣaṃ patitaṃ pṛthivyāṃ vilokya karṇo 'tha tadārtarūpaḥ / (11.1) Par.?

krodhāddhayāṃstasya rathaṃ dhvajaṃ ca bāṇaiḥ sudhārair niśitair nyakṛntat // (11.2) Par.?

sa tūttamaujā niśitaiḥ pṛṣatkair vivyādha khaḍgena ca bhāsvareṇa / (12.1) Par.?

pārṣṇiṃ hayāṃś caiva kṛpasya hatvā śikhaṇḍivāhaṃ sa tato 'bhyarohat // (12.2) Par.?

kṛpaṃ tu dṛṣṭvā virathaṃ rathastho naicchaccharais tāḍayituṃ śikhaṇḍī / (13.1) Par.?

taṃ drauṇir āvārya rathaṃ kṛpaṃ sma samujjahre paṅkagatāṃ yathā gām // (13.2) Par.?

hiraṇyavarmā niśitaiḥ pṛṣatkais tavātmajānām anilātmajo vai / (14.1) Par.?

atāpayat sainyam atīva bhīmaḥ kāle śucau madhyagato yathārkaḥ // (14.2) Par.?