UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 6035
- Click on a sentence to show its analysis
- Keep the mouse pointer over a lemma to show its meanings.
vaiśaṃpāyana uvāca / (1.1)
Par.?
tataḥ kuntīsuto rājā gatamanyur gatajvaraḥ / (1.2)
Par.?
kāñcane prāṅmukho hṛṣṭo nyaṣīdat paramāsane // (1.3)
Par.?
tam evābhimukhau pīṭhe sevyāstaraṇasaṃvṛte / (2.1)
Par.?
sātyakir vāsudevaśca niṣīdatur ariṃdamau // (2.2)
Par.?
madhye kṛtvā tu rājānaṃ bhīmasenārjunāvubhau / (3.1)
Par.?
niṣīdatur mahātmānau ślakṣṇayor maṇipīṭhayoḥ // (3.2)
Par.?
dānte śayyāsane śubhre jāmbūnadavibhūṣite / (4.1)
Par.?
pṛthāpi sahadevena sahāste nakulena ca // (4.2)
Par.?
sudharmā viduro dhaumyo dhṛtarāṣṭraśca kauravaḥ / (5.1)
Par.?
niṣedur jvalanākāreṣvāsaneṣu pṛthak pṛthak // (5.2)
Par.?
yuyutsuḥ saṃjayaścaiva gāndhārī ca yaśasvinī / (6.1)
Par.?
dhṛtarāṣṭro yato rājā tataḥ sarva upāviśan // (6.2)
Par.?
tatropaviṣṭo dharmātmā śvetāḥ sumanaso 'spṛśat / (7.1)
Par.?
svastikān akṣatān bhūmiṃ suvarṇaṃ rajataṃ maṇīn // (7.2)
Par.?
tataḥ prakṛtayaḥ sarvāḥ puraskṛtya purohitam / (8.1)
Par.?
dadṛśur dharmarājānam ādāya bahu maṅgalam // (8.2)
Par.?
pṛthivīṃ ca suvarṇaṃ ca ratnāni vividhāni ca / (9.1)
Par.?
ābhiṣecanikaṃ bhāṇḍaṃ sarvasaṃbhārasaṃbhṛtam // (9.2)
Par.?
kāñcanaudumbarāstatra rājatāḥ pṛthivīmayāḥ / (10.1)
Par.?
pūrṇakumbhāḥ sumanaso lājā barhīṃṣi gorasāḥ // (10.2)
Par.?
śamīpalāśapuṃnāgāḥ samidho madhusarpiṣī / (11.1)
Par.?
sruva audumbaraḥ śaṅkhāstathā hemavibhūṣitāḥ // (11.2)
Par.?
dāśārheṇābhyanujñātastatra dhaumyaḥ purohitaḥ / (12.1)
Par.?
prāgudakpravaṇāṃ vedīṃ lakṣaṇenopalipya ha // (12.2)
Par.?
vyāghracarmottare ślakṣṇe sarvatobhadra āsane / (13.1)
Par.?
dṛḍhapādapratiṣṭhāne hutāśanasamatviṣi // (13.2)
Par.?
upaveśya mahātmānaṃ kṛṣṇāṃ ca drupadātmajām / (14.1)
Par.?
juhāva pāvakaṃ dhīmān vidhimantrapuraskṛtam // (14.2)
Par.?
abhyaṣiñcat patiṃ pṛthvyāḥ kuntīputraṃ yudhiṣṭhiram / (15.1)
Par.?
dhṛtarāṣṭraśca rājarṣiḥ sarvāḥ prakṛtayastathā // (15.2)
Par.?
tato 'nuvādayāmāsuḥ paṇavānakadundubhīḥ / (16.1)
Par.?
dharmarājo 'pi tat sarvaṃ pratijagrāha dharmataḥ // (16.2)
Par.?
pūjayāmāsa tāṃścāpi vidhivad bhūridakṣiṇaḥ / (17.1)
Par.?
tato niṣkasahasreṇa brāhmaṇān svasti vācayat / (17.2)
Par.?
vedādhyayanasampannāñśīlavṛttasamanvitān // (17.3)
Par.?
te prītā brāhmaṇā rājan svastyūcur jayam eva ca / (18.1)
Par.?
haṃsā iva ca nardantaḥ praśaśaṃsur yudhiṣṭhiram // (18.2)
Par.?
yudhiṣṭhira mahābāho diṣṭyā jayasi pāṇḍava / (19.1)
Par.?
diṣṭyā svadharmaṃ prāpto 'si vikrameṇa mahādyute // (19.2)
Par.?
diṣṭyā gāṇḍīvadhanvā ca bhīmasenaśca pāṇḍavaḥ / (20.1)
Par.?
tvaṃ cāpi kuśalī rājanmādrīputrau ca pāṇḍavau // (20.2)
Par.?
muktā vīrakṣayād asmāt saṃgrāmānnihatadviṣaḥ / (21.1) Par.?
kṣipram uttarakālāni kuru kāryāṇi pāṇḍava // (21.2)
Par.?
tataḥ pratyarcitaḥ sadbhir dharmarājo yudhiṣṭhiraḥ / (22.1)
Par.?
pratipede mahad rājyaṃ suhṛdbhiḥ saha bhārata // (22.2)
Par.?
Duration=0.18780112266541 secs.