Texts

bhṛgur uvāca / (1.1) Par.?

yastvetāṃ niyataścaryāṃ brahmarṣivihitāṃ caret / (1.2) Par.?

sa dahed agnivad doṣāñ jayel lokāṃśca durjayān // (1.3) Par.?

abhayaṃ sarvabhūtebhyo dattvā carati yo muniḥ / (2.1) Par.?

na tasya sarvabhūtebhyo bhayam utpadyate kvacit // (2.2) Par.?

kṛtvāgnihotraṃ svaśarīrasaṃsthaṃ śārīram agniṃ svamukhe juhoti / (3.1) Par.?

yo bhaikṣacaryopagatair havirbhiś citāgnināṃ sa vyatiyāti lokān // (3.2) Par.?

mokṣāśramaṃ yaḥ kurute yathoktaṃ śuciḥ susaṃkalpitabuddhiyuktaḥ / (4.1) Par.?

anindhanaṃ jyotir iva praśāntaṃ sa brahmalokaṃ śrayate dvijātiḥ // (4.2) Par.?

bharadvāja uvāca / (5.1) Par.?

asmāl lokāt paro lokaḥ śrūyate nopalabhyate / (5.2) Par.?

tam ahaṃ jñātum icchāmi tad bhavān vaktum arhati // (5.3) Par.?

bhṛgur uvāca / (6.1) Par.?

uttare himavatpārśve puṇye sarvaguṇānvite / (6.2) Par.?

puṇyaḥ kṣemyaśca kāmyaśca sa varo loka ucyate // (6.3) Par.?

tatra hyapāpakarmāṇaḥ śucayo 'tyantanirmalāḥ / (7.1) Par.?

lobhamohaparityaktā mānavā nirupadravāḥ // (7.2) Par.?

sa svargasadṛśo deśastatra hyuktāḥ śubhā guṇāḥ / (8.1) Par.?

kāle mṛtyuḥ prabhavati spṛśanti vyādhayo na ca // (8.2) Par.?

na lobhaḥ paradāreṣu svadāranirato janaḥ / (9.1) Par.?

na cānyonyavadhastatra dravyeṣu na ca vismayaḥ / (9.2) Par.?

parokṣadharmo naivāsti saṃdeho nāpi jāyate // (9.3) Par.?

kṛtasya tu phalaṃ tatra pratyakṣam upalabhyate / (10.1) Par.?

śayyāyānāsanopetāḥ prāsādabhavanāśrayāḥ / (10.2) Par.?

sarvakāmair vṛtāḥ keciddhemābharaṇabhūṣitāḥ // (10.3) Par.?

prāṇadhāraṇamātraṃ tu keṣāṃcid upapadyate / (11.1) Par.?

śrameṇa mahatā kecit kurvanti prāṇadhāraṇam // (11.2) Par.?

iha dharmaparāḥ kecit kecinnaikṛtikā narāḥ / (12.1) Par.?

sukhitā duḥkhitāḥ kecinnirdhanā dhanino 'pare // (12.2) Par.?

iha śramo bhayaṃ mohaḥ kṣudhā tīvrā ca jāyate / (13.1) Par.?

lobhaścārthakṛto nṝṇāṃ yena muhyanti paṇḍitāḥ // (13.2) Par.?

iha cintā bahuvidhā dharmādharmasya karmaṇaḥ / (14.1) Par.?

yastad vedobhayaṃ prājñaḥ pāpmanā na sa lipyate // (14.2) Par.?

sopadhaṃ nikṛtiḥ steyaṃ parivādo 'bhyasūyatā / (15.1) Par.?

paropaghāto hiṃsā ca paiśunyam anṛtaṃ tathā // (15.2) Par.?

etān āsevate yastu tapastasya prahīyate / (16.1) Par.?

yastvetānnācared vidvāṃstapastasyābhivardhate // (16.2) Par.?

karmabhūmir iyaṃ loka iha kṛtvā śubhāśubham / (17.1) Par.?

śubhaiḥ śubham avāpnoti kṛtvāśubham ato 'nyathā // (17.2) Par.?

iha prajāpatiḥ pūrvaṃ devāḥ sarṣigaṇāstathā / (18.1) Par.?

iṣṭveṣṭatapasaḥ pūtā brahmalokam upāśritāḥ // (18.2) Par.?

uttaraḥ pṛthivībhāgaḥ sarvapuṇyatamaḥ śubhaḥ / (19.1) Par.?

ihatyāstatra jāyante ye vai puṇyakṛto janāḥ // (19.2) Par.?

asatkarmāṇi kurvantastiryagyoniṣu cāpare / (20.1) Par.?

kṣīṇāyuṣastathaivānye naśyanti pṛthivītale // (20.2) Par.?

anyonyabhakṣaṇe saktā lobhamohasamanvitāḥ / (21.1) Par.?

ihaiva parivartante na te yāntyuttarāṃ diśam // (21.2) Par.?

ye gurūn upasevante niyatā brahmacāriṇaḥ / (22.1) Par.?

panthānaṃ sarvalokānāṃ te jānanti manīṣiṇaḥ // (22.2) Par.?

ityukto 'yaṃ mayā dharmaḥ saṃkṣepād brahmanirmitaḥ / (23.1) Par.?

dharmādharmau hi lokasya yo vai vetti sa buddhimān // (23.2) Par.?

bhīṣma uvāca / (24.1) Par.?

ityukto bhṛguṇā rājan bharadvājaḥ pratāpavān / (24.2) Par.?

bhṛguṃ paramadharmātmā vismitaḥ pratyapūjayat // (24.3) Par.?

eṣa te prabhavo rājañ jagataḥ saṃprakīrtitaḥ / (25.1) Par.?

nikhilena mahāprājña kiṃ bhūyaḥ śrotum icchasi // (25.2) Par.?