Texts

yudhiṣṭhira uvāca / (1.1) Par.?

tathā mahātmanastasya tapasyugre ca vartataḥ / (1.2) Par.?

anāthasyeva nidhanaṃ tiṣṭhatsvasmāsu bandhuṣu // (1.3) Par.?

durvijñeyā hi gatayaḥ puruṣāṇāṃ matā mama / (2.1) Par.?

yatra vaicitravīryo 'sau dagdha evaṃ davāgninā // (2.2) Par.?

yasya putraśataṃ śrīmad abhavad bāhuśālinaḥ / (3.1) Par.?

nāgāyutabalo rājā sa dagdho hi davāgninā // (3.2) Par.?

yaṃ purā paryavījanta tālavṛntair varastriyaḥ / (4.1) Par.?

taṃ gṛdhrāḥ paryavījanta dāvāgniparikālitam // (4.2) Par.?

sūtamāgadhasaṃghaiśca śayāno yaḥ prabodhyate / (5.1) Par.?

dharaṇyāṃ sa nṛpaḥ śete pāpasya mama karmabhiḥ // (5.2) Par.?

na tu śocāmi gāndhārīṃ hataputrāṃ yaśasvinīm / (6.1) Par.?

patilokam anuprāptāṃ tathā bhartṛvrate sthitām // (6.2) Par.?

pṛthām eva tu śocāmi yā putraiśvaryam ṛddhimat / (7.1) Par.?

utsṛjya sumahad dīptaṃ vanavāsam arocayat // (7.2) Par.?

dhig rājyam idam asmākaṃ dhig balaṃ dhik parākramam / (8.1) Par.?

kṣatradharmaṃ ca dhig yasmānmṛtā jīvāmahe vayam // (8.2) Par.?

susūkṣmā kila kālasya gatir dvijavarottama / (9.1) Par.?

yat samutsṛjya rājyaṃ sā vanavāsam arocayat // (9.2) Par.?

yudhiṣṭhirasya jananī bhīmasya vijayasya ca / (10.1) Par.?

anāthavat kathaṃ dagdhā iti muhyāmi cintayan // (10.2) Par.?

vṛthā saṃtoṣito vahniḥ khāṇḍave savyasācinā / (11.1) Par.?

upakāram ajānan sa kṛtaghna iti me matiḥ // (11.2) Par.?

yatrādahat sa bhagavānmātaraṃ savyasācinaḥ / (12.1) Par.?

kṛtvā yo brāhmaṇacchadma bhikṣārthī samupāgataḥ / (12.2) Par.?

dhig agniṃ dhik ca pārthasya viśrutāṃ satyasaṃdhatām // (12.3) Par.?

idaṃ kaṣṭataraṃ cānyad bhagavan pratibhāti me / (13.1) Par.?

vṛthāgninā samāyogo yad abhūt pṛthivīpateḥ // (13.2) Par.?

tathā tapasvinastasya rājarṣeḥ kauravasya ha / (14.1) Par.?

katham evaṃvidho mṛtyuḥ praśāsya pṛthivīm imām // (14.2) Par.?

tiṣṭhatsu mantrapūteṣu tasyāgniṣu mahāvane / (15.1) Par.?

vṛthāgninā samāyukto niṣṭhāṃ prāptaḥ pitā mama // (15.2) Par.?

manye pṛthā vepamānā kṛśā dhamanisaṃtatā / (16.1) Par.?

hā tāta dharmarājeti samākrandanmahābhaye // (16.2) Par.?

bhīma paryāpnuhi bhayād iti caivābhivāśatī / (17.1) Par.?

samantataḥ parikṣiptā mātā me 'bhūd davāgninā // (17.2) Par.?

sahadevaḥ priyastasyāḥ putrebhyo 'dhika eva tu / (18.1) Par.?

na caināṃ mokṣayāmāsa vīro mādravatīsutaḥ // (18.2) Par.?

tacchrutvā ruruduḥ sarve samāliṅgya parasparam / (19.1) Par.?

pāṇḍavāḥ pañca duḥkhārtā bhūtānīva yugakṣaye // (19.2) Par.?

teṣāṃ tu puruṣendrāṇāṃ rudatāṃ ruditasvanaḥ / (20.1) Par.?

prāsādābhogasaṃruddho anvarautsīt sa rodasī // (20.2) Par.?