Texts

gatavati sakhīvṛnde amandatrapābharanirbharasmaraparavaśākūtasphītasmitasnapitādharām / (1.1) Par.?

sarasamanasam dṛṣṭvā rādhām muhuḥ navapallavaprasavaśayane nikṣiptākṣīm uvāca hariḥ priyām // (1.2) Par.?

kisalayaśayanatale kuru kāmini caraṇanalinaviniveśam / (2.1) Par.?

tava padapallavavairiparābhavam idam anubhavatu suveśam // (2.2) Par.?

kṣaṇam adhunā nārāyaṇam anugatam anusara rādhike // (3.1) Par.?

karakamalena karomi caraṇamaham āgamitā asi vidūram / (4.1) Par.?

kṣaṇam upakuru śayanopari mām iva nūpuram anugataśūram // (4.2) Par.?

kṣaṇam adhunā nārāyaṇam anugatam anusara rādhike // (5.1) Par.?

vadanasudhānidhigalitam amṛtamiva racaya vacanam anukūlam / (6.1) Par.?

viraham iva apanayāmi payodhararodhakam urasi dukūlam // (6.2) Par.?

kṣaṇam adhunā nārāyaṇam anugatam anusara rādhike // (7.1) Par.?

priyaparirambhaṇarabhasavalitam iva pulakitam atiduravāpam / (8.1) Par.?

madurasi kucakalaśam viniveśaya śoṣaya manasijatāpam // (8.2) Par.?

kṣaṇam adhunā nārāyaṇam anugatam anusara rādhike // (9.1) Par.?

adharasudhārasam upanaya bhāvini jīvaya mṛtam iva dāsam / (10.1) Par.?

tvayi vinihitamanasam virahānaladagdhavapuṣam avilāsam // (10.2) Par.?

kṣaṇam adhunā nārāyaṇam anugatam anusara rādhike // (11.1) Par.?

śaśimukhi mukharaya maṇiraśanāguṇam anuguṇakaṇṭhaninādam / (12.1) Par.?

śrutiyugale pikarutavikale mama śamaya cirāt avasādam // (12.2) Par.?

kṣaṇam adhunā nārāyaṇam anugatam anusara rādhike // (13.1) Par.?

mām ativiphalaruṣā vikalīkṛtam avalokitum adhunā idam / (14.1) Par.?

mīlitalajjitam iva nayanam tava virama visṛja ratikhedam // (14.2) Par.?

kṣaṇam adhunā nārāyaṇam anugatam anusara rādhike // (15.1) Par.?

śrījayadevabhaṇitam idam anupadanigaditamadhuripumodam / (16.1) Par.?

janayatu rasikajaneṣu manoramaratisabhāvavinodam // (16.2) Par.?

kṣaṇam adhunā nārāyaṇam anugatam anusara rādhike // (17.1) Par.?

mārāṅke ratikelisaṃkularaṇārambhe tayā sāhasaprāyam kāntajayāya kiṃcit upari prārambhi yatsambhramāt / (18.1) Par.?

niṣpandā jaghanasthalī śithilā dorvalliḥ utkampitam vakṣaḥ mīlitam akṣi pauruṣarasaḥ strīṇām kutaḥ sidhyati // (18.2) Par.?

atha kāntam ratiklāntam api maṇḍanavāñchayā / (19.1) Par.?

nijagāda nirābādhā rādhā svādhīnabhartṛkā // (19.2) Par.?

kuru yadunandana candanaśiśiratareṇa kareṇa payodhare / (20.1) Par.?

mṛgamadapatrakam atra manobhavamaṅgalakalaśasahodare // (20.2) Par.?

nijagāda sā yadunandane krīḍati hṛdayānandane // (21.1) Par.?

alikulagañjanam añjanakam ratināyakasāyakamocane / (22.1) Par.?

tvadadharacumbanalambitakajjalam ujjvalaya priya locane // (22.2) Par.?

nijagāda sā yadunandane krīḍati hṛdayānandane // (23.1) Par.?

nayanakuraṅgataraṅgavikāsanirāsakare śrutimaṇḍale / (24.1) Par.?

manasijapāśavilāsadhare śubhaveśa niveśaya kuṇḍale // (24.2) Par.?

nijagāda sā yadunandane krīḍati hṛdayānandane // (25.1) Par.?

bhramaracayam racayantam upari ruciram suciram mama saṃmukhe / (26.1) Par.?

jitakamale vimale parikarmaya narmajanakam alakam mukhe // (26.2) Par.?

nijagāda sā yadunandane krīḍati hṛdayānandane // (27.1) Par.?

mṛgamadarasavalitam lalitam kuru tilakam alikarajanīkare / (28.1) Par.?

vihitakalaṅkakalam kamalānana viśramitaśramaśīkare // (28.2) Par.?

nijagāda sā yadunandane krīḍati hṛdayānandane // (29.1) Par.?

mama rucire cikure kuru mānada mānasajadhvajacāmare / (30.1) Par.?

ratigalite lalite kusumāni śikhaṇḍiśikhaṇḍakaḍāmare // (30.2) Par.?

nijagāda sā yadunandane krīḍati hṛdayānandane // (31.1) Par.?

sarasaghane jaghane mama śambaradāraṇavāraṇakandare / (32.1) Par.?

maṇiraśanāvasanābharaṇāni śubhāśaya vāsaya sundare // (32.2) Par.?

nijagāda sā yadunandane krīḍati hṛdayānandane // (33.1) Par.?

śrījayadevavacasi rucire hṛdayam sadayam kuru maṇḍane / (34.1) Par.?

haricaraṇasmaraṇāmṛtakṛtakalikaluṣabhavajvarakhaṇḍane // (34.2) Par.?

nijagāda sā yadunandane krīḍati hṛdayānandane // (35.1) Par.?

racaya kucayoḥ patram citram kuruṣva kapolayoḥ ghaṭaya jaghane kāñcīm añca srajā kavarībharam / (36.1) Par.?

kalaya valayaśreṇīm pāṇau pade kuru nūpurau iti nigaditaḥ prītaḥ pītāmbaraḥ api tathā akarot // (36.2) Par.?

yat gāndharvakalāsu kauśalam anudhyānam ca yat vaiṣṇavam yat śṛṅgāravivekatattvam api yat kāvyeṣu līlāyitam / (37.1) Par.?

tat sarvam jayadevapaṇḍitakaveḥ kṛṣṇaikatānātmanaḥ sānandāḥ pariśodhayantu sudhiyaḥ śrīgītagovindataḥ // (37.2) Par.?

śrībhojadevaprabhavasya rāmādevīsutaśrījayadevakasya / (38.1) Par.?

parāśarādipriyavargakaṇṭhe śrīgītagovindakavitvam astu // (38.2) Par.?