UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5415
- Click on a sentence to show its analysis
- Keep the mouse pointer over a lemma to show its meanings.
āgnīdhraṃ jyeṣṭhadāyādaṃ kāmyaputraṃ mahābalam / (1.2)
Par.?
priyavrato 'bhyaṣiñcadvai jaṃbūdvīpeśvaraṃ nṛpaḥ // (1.3)
Par.?
so'tīva bhavabhaktaś ca tapasvī taruṇaḥ sadā / (2.1)
Par.?
bhavārcanarataḥ śrīmāngomāndhīmāndvijarṣabhāḥ // (2.2)
Par.?
tasya putrā babhūvuste prajāpatisamā nava / (3.1)
Par.?
sarve māheśvarāścaiva mahādevaparāyaṇāḥ // (3.2)
Par.?
jyeṣṭho nābhir iti khyātastasya kiṃpuruṣo 'nujaḥ / (4.1)
Par.?
harivarṣastṛtīyastu caturtho vai tvilāvṛtaḥ // (4.2)
Par.?
ramyastu pañcamas tatra hiraṇmān ṣaṣṭha ucyate / (5.1)
Par.?
kurustu saptamasteṣāṃ bhadrāśvastvaṣṭamaḥ smṛtaḥ // (5.2)
Par.?
navamaḥ ketumālastu teṣāṃ deśānnibodhata / (6.1)
Par.?
nābhestu dakṣiṇaṃ varṣaṃ hemākhyaṃ tu pitā dadau // (6.2) Par.?
hemakūṭaṃ tu yadvarṣaṃ dadau kiṃpuruṣāya saḥ / (7.1)
Par.?
naiṣadhaṃ yatsmṛtaṃ varṣaṃ haraye tatpitā dadau // (7.2)
Par.?
ilāvṛtāya pradadau meruryatra tu madhyamaḥ / (8.1)
Par.?
nīlācalāśritaṃ varṣaṃ ramyāya pradadau pitā // (8.2)
Par.?
śvetaṃ yaduttaraṃ tasmātpitrā dattaṃ hiraṇmate / (9.1)
Par.?
yaduttaraṃ śṛṅgavarṣaṃ pitā tatkurave dadau // (9.2)
Par.?
varṣaṃ mālyavataṃ cāpi bhadrāśvasya nyavedayat / (10.1)
Par.?
gandhamādanavarṣaṃ tu ketumālāya dattavān // (10.2)
Par.?
ityetāni mahāntīha nava varṣāṇi bhāgaśaḥ / (11.1)
Par.?
āgnīdhrasteṣu varṣeṣu putrāṃstānabhiṣicya vai // (11.2)
Par.?
yathākramaṃ sa dharmātmā tatastu tapasi sthitaḥ / (12.1)
Par.?
tapasā bhāvitaścaiva svādhyāyaniratastvabhūt // (12.2)
Par.?
svādhyāyanirataḥ paścācchivadhyānaratas tvabhūt / (13.1)
Par.?
yāni kiṃpuruṣādyāni varṣāṇyaṣṭau śubhāni ca // (13.2)
Par.?
teṣāṃ svabhāvataḥ siddhiḥ sukhaprāyā hyayatnataḥ / (14.1)
Par.?
viparyayo na teṣvasti jarāmṛtyubhayaṃ na ca // (14.2)
Par.?
dharmādharmau na teṣvāstāṃ nottamādhamamadhyamāḥ / (15.1)
Par.?
na teṣvasti yugāvasthā kṣetreṣvaṣṭasu sarvataḥ // (15.2)
Par.?
rudrakṣetre mṛtāścaiva jaṅgamāḥ sthāvarās tathā / (16.1)
Par.?
bhaktāḥ prāsaṃgikāścāpi teṣu kṣetreṣu yānti te // (16.2)
Par.?
teṣāṃ hitāya rudreṇa cāṣṭakṣetraṃ vinirmitam / (17.1)
Par.?
tatra teṣāṃ mahādevaḥ sānnidhyaṃ kurute sadā // (17.2)
Par.?
dṛṣṭvā hṛdi mahādevam aṣṭakṣetranivāsinaḥ / (18.1)
Par.?
sukhinaḥ sarvadā teṣāṃ sa eveha parā gatiḥ // (18.2)
Par.?
nābhernisargaṃ vakṣyāmi himāṅke 'sminnibodhata / (19.1)
Par.?
nābhistvajanayatputraṃ merudevyāṃ mahāmatiḥ // (19.2)
Par.?
ṛṣabhaṃ pārthivaśreṣṭhaṃ sarvakṣatrasya pūjitam / (20.1)
Par.?
ṛṣabhādbharato jajñe vīraḥ putraśatāgrajaḥ // (20.2)
Par.?
so'bhiṣicyātha ṛṣabho bharataṃ putravatsalaḥ / (21.1)
Par.?
jñānavairāgyamāśritya jitvendriyamahoragān // (21.2)
Par.?
sarvātmanātmani sthāpya paramātmānamīśvaram / (22.1)
Par.?
nagno jaṭī nirāhāraścīrī dhvāntagato hi saḥ // (22.2)
Par.?
nirāśastyaktasaṃdehaḥ śaivamāpa paraṃ padam / (23.1)
Par.?
himādrerdakṣiṇaṃ varṣaṃ bharatāya nyavedayat // (23.2)
Par.?
tasmāttu bhārataṃ varṣaṃ tasya nāmnā vidurbudhāḥ / (24.1)
Par.?
bharatasyātmajo vidvānsumatirnāma dhārmikaḥ // (24.2)
Par.?
babhūva tasmiṃstadrājyaṃ bharataḥ saṃnyaveśayat / (25.1)
Par.?
putrasaṃkrāmitaśrīko vanaṃ rājā viveśa saḥ // (25.2)
Par.?
iti śrīliṅgamahāpurāṇe pūrvabhāge bharatavarṣakathanaṃ nāma saptacatvāriṃśo 'dhyāyaḥ // (26.1)
Par.?
Duration=0.081554889678955 secs.