Texts

ratnānāṃ śodhanamāraṇamapyāha tāvat pūrvaṃ vajrasya śodhanamāha kulatthaketi // (1) Par.?

vajraṃ hīrakam // (2) Par.?

taccaturvidhaṃ bhavati // (3) Par.?

tathā hi / (4.1) Par.?

śvetaraktapītakṛṣṇāścaturdhā vajrajātayaḥ / (4.2) Par.?

rasāyane bhavedvipraḥ śubhraḥ siddhyaṣṭadāyakaḥ // (4.3) Par.?

kṣatriyo mṛtyujidrakto valīpalitarogahā / (5.1) Par.?

dhanaprado bhavedvaiśyaḥ pīto dehasya dārḍhyakṛt // (5.2) Par.?

kṛṣṇaḥ śūdro rujāṃ hantā vapuḥstambhaṃ karoti ca / (6.1) Par.?

puṃstrīnapuṃsakāścaite lakṣaṇena tu lakṣayet // (6.2) Par.?

suvṛttāḥ phalasampūrṇās tejovanto bṛhattarāḥ / (7.1) Par.?

puruṣāste samākhyātā rekhābinduvivarjitāḥ // (7.2) Par.?

rekhābindusamāyuktāḥ ṣaḍasrāstāḥ striyaḥ smṛtāḥ / (8.1) Par.?

trikoṇadehadīrghaṃ ca tannapuṃsakameva ca // (8.2) Par.?

pūrvapūrvaṃ tu te śreṣṭhāḥ puruṣā rasabandhakāḥ / (9.1) Par.?

śarīrakāntijanakā bhogadā vajrayoṣitaḥ // (9.2) Par.?

napuṃsakāstvalpavīryā akāmāḥ sattvavarjitāḥ / (10.1) Par.?

striyaḥ strīṇāṃ pradātavyāḥ klībe klībaṃ tathaiva ca // (10.2) Par.?

sarveṣāṃ sarvadā yojyāḥ puruṣā balavattarāḥ / (11.1) Par.?

iti // (11.2) Par.?

anyatrāpi pañca doṣā guṇāḥ pañca chāyā caiva caturvidhā / (12.1) Par.?

śvetā raktā tathā pītā kṛṣṇā caiva nigṛhyate // (12.2) Par.?

ṣaṭkoṇaṃ laghu tīkṣṇaṃ ca bṛhadaṣṭadalaṃ ca yat / (13.1) Par.?

jale tarati tadvajraṃ tadgrāhyaṃ rasakarmaṇi / (13.2) Par.?

iti // (13.3) Par.?

etasya śodhanādikamapyāha kulatthetyādi // (14) Par.?

kulattho'nnaviśeṣaḥ prasiddhaḥ // (15) Par.?

kodravo 'pyannaviśeṣaḥ // (16) Par.?

kvāthena kṛtvā dolāyantre vipācayedityabhiprāyaḥ // (17) Par.?

taptamiti dolāyantrasveditaṃ tadvajraṃ paścādagnau saṃtaptaṃ kṛtvā tadanu kharamūtre niṣecayet // (18) Par.?

evaṃ trisaptadhā kṛtvā mṛtaṃ vajraṃ śreṣṭhaṃ bhavatītyarthaḥ // (19) Par.?

kecit tu dolāyantre svedanam ahorātreṇaiva bhavati // (20) Par.?

tathā ca tantrāntare / (21.1) Par.?

kulatthakodravakvāthe dolāyantreṇa pācayet / (21.2) Par.?

ahorātrāt samuddhṛtya hayamūtreṇa bhāvayet / (21.3) Par.?

iti // (21.4) Par.?