Texts

svedayediti // (1) Par.?

jayantī śākabhedaḥ // (2) Par.?

maṇimuktāpravālānīti // (3) Par.?

maṇayo nānāvidhāste māṇikyapuṣparāganīlamaṇivaidūryagārutmataprabhṛtayaḥ // (4) Par.?

muktā mauktikam // (5) Par.?

te'pi bahudhā bhavanti // (6) Par.?

pravālaṃ vidrumaṃ tadapi bahuvidham kumārī nārīśabdavācyā taṇḍulīyo meghanādaḥ stanyaṃ kṣīraṃ tena kimuktam // (7) Par.?

ratnādīni pūrvaṃ dolāyantre jayantyāḥ svarasena saṃsvedya yāmaikaṃ yāvat paścāt tadagnau saṃtaptaṃ kṛtvā kumāryādīnām ekatamarasena niṣiñcayet // (8) Par.?

evaṃ saptadhā kṛtvā mṛtāni bhavantītyarthaḥ // (9) Par.?

mauktikānīti bahuvacanatvenāṣṭaprakārāṇi teṣāmucyante // (10) Par.?

tadyathā / (11.1) Par.?

meghānāmatha śaṅkhānāṃ varāhasya ca dantinaḥ / (11.2) Par.?

mīnajaṃ vaṃśajaṃ caiva phaṇijaṃ śuktijaṃ tathā // (11.3) Par.?

aṣṭau muktāphalānyeva sadā jāraṇakarmaṇi / (12.1) Par.?

guṇayuktāni gṛhyante doṣayuktāni varjayet // (12.2) Par.?

yataḥ / (13.1) Par.?

sthūlaṃ vṛttaṃ guru snigdhaṃ raśmitārajalānvitam / (13.2) Par.?

śvetamāhlādakaṃ svacchaṃ muktāyāśca guṇā daśa / (13.3) Par.?

iti // (13.4) Par.?

pravālānīti bahuvacanenātrāpi jātiguṇadoṣādikaṃ sūcayati // (14) Par.?

tathāhi / (15.1) Par.?

atiriktaṃ ca dīptaṃ ca vidrumaṃ parimaṇḍalam / (15.2) Par.?

snigdhaṃ ca svaccharūpaṃ ca baddhaṃ śuddhaṃ samaṃ guru // (15.3) Par.?

aṅgārasadṛśaṃ piṇḍaṃ pravāle'mī guṇā daśa / (16.1) Par.?

gauraṃ raṅgajalākrāntaṃ sūkṣmaṃ vakraṃ sakoṭaram // (16.2) Par.?

rūkṣaṃ kṛṣṇaṃ laghu śvetaṃ pravālam aśubhaṃ tyajet / (17.1) Par.?

tathā ratnānyaśeṣataḥ / (17.2) Par.?

iti // (17.3) Par.?

aśeṣato'pi tajjñasakāśādavagantavyāni // (18) Par.?

teṣāṃ ca lakṣaṇāni likhyante yathā / (19.1) Par.?

padmarāgaṃ kuruvindaṃ sugandhaṃ nīlagandhakam / (19.2) Par.?

māṇikyaṃ caiva vijñeyaṃ brāhmaṇādikrameṇa tu // (19.3) Par.?

nirdhūmaṃ jvaladaṅgāramindragopasamaprabham / (20.1) Par.?

guñjārāgapratīkāśaṃ māṇikyaṃ rasakarmaṇi // (20.2) Par.?

cāmpeyakasamo varṇairhemavarṇaḥ sunirmalaḥ / (21.1) Par.?

atidīpto bhavedyastu padmarāgaḥ sa ucyate / (21.2) Par.?

sthūlavṛddhamadhucchāyaṃ bhrājiṣṇu śvetamujjvalam // (21.3) Par.?

guru snigdhaṃ tathā proktaṃ rasarājasya karmaṇi / (22.1) Par.?

indranīlo mahānīlo nīlaśca kṛṣṇanīlakaḥ // (22.2) Par.?

ete nīlāstu catvāro brāhmaṇādikrameṇa tu / (23.1) Par.?

atasīpuṣpasaṅkāśaṃ nīlajīmūtasannibham // (23.2) Par.?

yaḥ karoti payo nīlaṃ mahānīlaṃ taducyate / (24.1) Par.?

biḍālanetrasaṃkāśaṃ nīlapītaṃ sunirmalam // (24.2) Par.?

calaṃ laśunamadhyasthaṃ vaidūryaṃ rasakarmaṇi / (25.1) Par.?

vijñeyo garuḍodgāraḥ karipakṣo dvitīyakaḥ // (25.2) Par.?

tṛtīyo vaṃśapattraśca caturtho dhūlidhūsaraḥ / (26.1) Par.?

khadyotadyutisaṃkāśo mayūrakaṃṭhasannibhaḥ // (26.2) Par.?

komalatvaṃ caturṇāṃ supraśastaṃ rasakarmaṇi / (27.1) Par.?

iti // (27.2) Par.?

kim uktaṃ bahunā / (28.1) Par.?

pañcadoṣā guṇāḥ pañca chāyā caiva caturvidhā / (28.2) Par.?

śvetā pītā tathā raktā kṛṣṇā caiva nigṛhyate // (28.3) Par.?

sarve bhānunibhā dīptā doṣāḥ paṭalavarjitāḥ / (29.1) Par.?

nijairvarṇaiḥ samāyuktā utkṛṣṭā rasakarmaṇi // (29.2) Par.?

iti // (30) Par.?

atha prayogāntaramāha uktamākṣikavadityādi // (31) Par.?

pūrvoktasvarṇamākṣikaśodhanavidhānavat muktāpravālāni śodhayet sarvaratnāni ca vajraśodhanamāraṇavidhivat samprasādhayedityabhiprāyaḥ // (32) Par.?