Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 7739
  • Click on a sentence to show its analysis
  • Keep the mouse pointer over a lemma to show its meanings.
1 parallel or similar passage(s) in this chapter
nāvam uttarayānumantrayate // (1.1) Par.?
na ca nāvyāṃs taratī vadhūḥ paśyet // (2.1) Par.?
tīrtvottarāṃ japet // (3.1) Par.?
śmaśānādivyatikrame bhāṇḍe rathe vā riṣṭe 'gner upasamādhānādy ājyabhāgānte 'nvārabdhāyām uttarā āhutīr hutvā jayādi pratipadyate pariṣecanāntaṃ karoti // (4.1) Par.?
kṣīriṇām anyeṣāṃ vā lakṣmaṇyānāṃ vṛkṣāṇāṃ nadīnāṃ dhanvanāṃ ca vyatikrama uttare yathāliṅgaṃ japet // (5.1) Par.?
gṛhān uttarayā saṃkāśayati // (6.1) Par.?
vāhāv uttarābhyāṃ vimuñcati dakṣiṇam agre // (7.1) Par.?
lohitaṃ carmānaḍuhaṃ prācīnagrīvam uttaraloma madhye 'gārasyottarayāstīrya gṛhān prapādann uttarāṃ vācayati dakṣiṇena padā // (8.1) Par.?
na ca dehalīm abhi tiṣṭhati // (9.1) Par.?
uttarapūrve deśe 'gārasyāgner upasamādhānādy ājyabhāgānte 'nvārabdhāyām uttarā āhutīr hutvā jayādi pratipadyate pariṣecanāntaṃ kṛtvottarayā carmaṇy upaviśata uttaro varaḥ // (10.1) Par.?
athāsyāḥ puṃsvor jīvaputrāyāḥ putram aṅka uttarayopaveśya tasmai phalāny uttareṇa yajuṣā pradāyottare japitvā vācaṃ yacchata ā nakṣatrebhyaḥ // (11.1) Par.?
uditeṣu nakṣatreṣu prācīm udīcīṃ vā diśam upaniṣkramyottarābhyāṃ yathāliṅgaṃ dhruvam arundhatīṃ ca darśayati // (12.1) Par.?
Duration=0.029400825500488 secs.