Texts

yadvo devāḥ prapaṇaṃ carāma devā dhanena dhanam icchamānāḥ / (1.1) Par.?

tasmin somo rucam ādadhātv agnirindro bṛhaspatirīśānaśca / (1.2) Par.?

svāheti // (1.3) Par.?

athātaḥ krodhavinayanam // (2.1) Par.?

yā ta eṣā rarāṭyā tanūr manyor mṛddhasya nāśinī tāṃ devā brahmacāriṇo vinayantu sumedhasaḥ / (3.1) Par.?

yatta etanmukhe mataṃ rarāṭam ud iva vidhyasi / (3.2) Par.?

ava dyām iva dhanvino hṛdo manyuṃ tanomi te / (3.3) Par.?

ahar dyauśca pṛthivī ca vidhe krodhaṃ nayāmasi / (3.4) Par.?

garbhamaśvataryā iva / (3.5) Par.?

iti kruddham abhimantrayate // (3.6) Par.?

athātaḥ saṃvādābhijayanam // (4.1) Par.?

niśāyām antarāgāre 'gnim upasamādhāya vyāhṛtiparyantaṃ kṛtvā kaṇair ājyamiśrair juhoti / (5.1) Par.?

avajihva nijihvikāva tvā haviṣā yaje / (5.2) Par.?

yathāham uttaro vadāmyadharo vad asau vadā / (5.3) Par.?

svāheti // (5.4) Par.?

athainaṃ saṃnidhāvabhijapati / (6.1) Par.?

ā te vācam āsyād ade manasyāṃ hṛdayād adhi / (6.2) Par.?

aṅgād aṅgāt te vācam ādade yatra yatra nihitā vāktāṃ ta ādade / (6.3) Par.?

rudra nīlaśikhaṇḍa vīra karmaṇi karmaṇīmaṃ me pratisaṃvādinaṃ vṛkṣam ivāśaninā jahi / (6.4) Par.?

adho vadādharo vadādhastād bhūmyā vada / (6.5) Par.?

adhopratir iva kūṭena nijasya nihito mayā / (6.6) Par.?

tatsatyaṃ yad ahaṃ bravīmy adharo matpadyasvāsāv iti // (6.7) Par.?

hiraṇyabāhuḥ subhagā jitākṣyalaṃkṛtā madhye / (7.1) Par.?

devānām āsīnārthaṃ mahyam avocat svāheti sabhām ālabhya japati // (7.2) Par.?

mama pare mamāpare mameyaṃ pṛthivī mahī / (8.1) Par.?

mamāgniś cendraśca divyam artham asādhayanniva / (8.2) Par.?

iti pariṣadam abhivīkṣate 'bhyeva japati // (8.3) Par.?