Texts

śālāṃ kārayiṣyann udagayana āpūryamāṇapakṣe rohiṇyāṃ triṣu cottareṣvagnim upasamādhāya vyāhṛtiparyantaṃ kṛtvā juhoti / (1.1) Par.?

imaṃ me varuṇa / (1.2) Par.?

tattvā yāmi / (1.3) Par.?

tvaṃ no agne / (1.4) Par.?

sa tvaṃ no agne / (1.5) Par.?

tvamagne ayāmi / (1.6) Par.?

prajāpate / (1.7) Par.?

yadasya karmaṇo 'tyarīricam / (1.8) Par.?

iti cātraike jayābhyātānān rāṣṭrabhṛta ityupajuhvati yathā purastāt / (1.9) Par.?

brāhmaṇān annena pariviṣya puṇyāhaṃ svastyayanam ṛddhimiti vācayitvāhataṃ vāsaḥ paridhāyāpa upaspṛśya / (1.10) Par.?

devasya tvā / (1.11) Par.?

ityabhrimādāya / (1.12) Par.?

parilikhitam / (1.13) Par.?

iti triḥ pradakṣiṇaṃ parilikhya yathārtham avaṭān khātvābhyantaraṃ pāṃsūn karoti // (1.14) Par.?

ihaiva dhruvāṃ niminomi śālāṃ kṣeme tiṣṭhati ghṛtamukṣamāṇā / (2.1) Par.?

tāṃ tvā śāle suvīrāḥ sarvavīrā ariṣṭavīrā anusaṃcarema / (2.2) Par.?

iti dakṣiṇāṃ dvārasthūṇām ucchrayati // (2.3) Par.?

ihaiva dhruvā pratitiṣṭha śāle aśvāvatī gomatī sūnṛtāvatī ūrjasvatī payasā pinvamānocchrayasva mahate saubhagāya ityuttarām // (3.1) Par.?

ā tvā kumārastaruṇa ā vatso jagatā saha / (4.1) Par.?

ā tvā hiraṇmayaḥ kumbha ā dadhnaḥ kalaśairayanniva / (4.2) Par.?

iti saṃmitāvabhimṛśati // (4.3) Par.?

evameva sthūṇārājāvucchrayati // (5.1) Par.?

evamabhimṛśati // (6.1) Par.?

ṛtena sthūṇāvadhiroha vaṃśordhvo virājannapasedha śatrūn / (7.1) Par.?

athāsmabhyaṃ sahavīrāṃ rayiṃ dāḥ / (7.2) Par.?

iti pṛṣṭhavaṃśamāropayate // (7.3) Par.?

mā naḥ sapatnaḥ śaraṇaḥ syonā devo devebhir vimitāsyagre / (8.1) Par.?

tṛṇaṃ vasānāḥ sumanā asi tvaṃ śaṃ na edhi dvipade śaṃ catuṣpade / (8.2) Par.?

iti channām abhimṛśati // (8.3) Par.?

tato 'nūrādhair vāstuśamanam // (9.1) Par.?

niśāyām antarāgāre 'gnim upasamādhāya vyāhṛtiparyantaṃ kṛtvā juhoti // (10.1) Par.?