Texts

indrāya svāhendrapuruṣebhyaḥ svāheti purastāt // (1.1) Par.?

yamāya svāhā yamapuruṣebhyaḥ svāheti dakṣiṇataḥ // (2.1) Par.?

varuṇāya svāhā varuṇapuruṣebhyaḥ svāheti paścāt // (3.1) Par.?

somāya svāhā somapuruṣebhyaḥ svāhety uttarataḥ // (4.1) Par.?

agnaye svāheti purastāt // (5.1) Par.?

yamāya svāheti dakṣiṇataḥ // (6.1) Par.?

varuṇāya svāheti paścāt // (7.1) Par.?

somāya svāhety uttarataḥ // (8.1) Par.?

saptarṣibhyaḥ svāhā sarvabhūtebhyaḥ svāhety uttarapūrve deśe // (9.1) Par.?

atha dakṣiṇataḥ prācīnāvītī juhoti pitṛbhyaḥ svadhā namaḥ pitāmahebhyaḥ svadhā namaḥ prapitāmahebhyaḥ svadhā namo mātāmahebhyaḥ svadhā namo mātuḥ pitāmahebhyaḥ svadhā namo mātuḥ prapitāmahebhyaḥ svadhā nama iti trīn // (10.1) Par.?

anugebhyaḥ svadhā nama iti madhye // (11.1) Par.?

apa upaspṛśyottarato yajñopavītī juhoty ṛgvedāya svāhā yajurvedāya svāhā sāmavedāya svāhātharvavedāya svāhātharvāṅgirobhyaḥ svāhetihāsapurāṇebhyaḥ svāhā sarvadevajanebhyaḥ svāhā sarvabhūtebhyaḥ svāheti // (12.1) Par.?

athordhvaṃ baliṃ ninayati / (13.1) Par.?

ye bhūtāḥ pracaranti divā balim icchanto vitudasya preṣyāḥ / (13.2) Par.?

tebhyo baliṃ puṣṭikāmo harāmi mayi puṣṭiṃ puṣṭipatir dadhātu svāheti // (13.3) Par.?

naktaṃ balim icchanta iti rātryām // (14.1) Par.?

athārkeṇaikaparṇena balim ninayati / (15.1) Par.?

yeṣāṃ na mātā pacate yeṣāṃ rātryāṃ samāgamam / (15.2) Par.?

teṣām ahaṃ tu bhūtānāṃ piṇḍaṃ dāsyāmy ayācitaḥ / (15.3) Par.?

bhaye me 'bhayamastu durbhikṣe ca subhikṣaṇam / (15.4) Par.?

jananamārake mṛtyujātiprāye ca kālyatāṃ svāheti // (15.5) Par.?

pātrasaṃkṣālanaṃ ninayati niśi śritebhyaḥ svāhā rudrāya svāheti vā // (16.1) Par.?

vaiśvadevaṃ hutvātithim ākāṅkṣetāgodohanakālam // (17.1) Par.?

agraṃ voddhṛtya nidadhyāt // (18.1) Par.?

yajño vā eṣa pañcamo yad atithiḥ // (19.1) Par.?