Texts

athābhyāghātaḥ syād agniś codvātaḥ syāt sarvaṃ tat apahatāḥ iti prokṣya sthaṇḍilam uddhṛtya tam evāgnim upasamādhāya saṃparistīryāgnimukhāt kṛtvā pakvāj juhoti ye devā yajñahano yajñamuṣaḥ iti tisṛbhir anucchandasam // (1.1) Par.?

sviṣṭakṛtprabhṛti siddham ā dhenuvarapradānāt // (2.1) Par.?

atha yady akṣabhedaḥ syāt tam evāgnim upasamādhāya saṃparistīryāgnimukhāt kṛtvā pradhānāhutīr juhoti iha dhṛtiḥ svāheha vidhṛtiḥ svāheha rantiḥ svāheha ramatiḥ svāhā iti // (3.1) Par.?

jayaprabhṛti siddham ā dhenuvarapradānāt // (4.1) Par.?

athānyam akṣam āharati akṣito 'sy akṣityai tvā mā me kṣeṣṭhā amutrāmuṣmin loke iti // (5.1) Par.?

athainaṃ rathe yojayati ātiṣṭha vṛtrahan ratham iti // (6.1) Par.?

atha rathe mithunaṃ pratiṣṭhāpayati / (7.1) Par.?

prati kṣatre prati tiṣṭhāmi rāṣṭre / (7.2) Par.?

praty aśveṣu prati tiṣṭhāmi goṣu / (7.3) Par.?

praty aṅgeṣu prati tiṣṭhāmy ātman / (7.4) Par.?

prati prajāyāṃ prati tiṣṭhāmi bhavye iti // (7.5) Par.?

pūrvavad anaḍvāhau yunakti / (8.1) Par.?

atha mithunaṃ pratiṣṭhāpya prayātīti // (8.2) Par.?

atha yadi balavatā samarathaḥ syāt pathād rathaṃ prasarpayati / (9.1) Par.?

anṛṇā asminn anṛṇāḥ parasmiṃs tṛtīye loke anṛṇāḥ syāma / (9.2) Par.?

ye devayānā uta pitṛyāṇāḥ sarvān patho anṛṇā ākṣīyema iti // (9.3) Par.?

atha patham avasthāya yānāya japati / (10.1) Par.?

mithunasya svastyayany asy api panthām agasmahi svasti gām anehasam / (10.2) Par.?

yena viśvāḥ pari dviṣo vṛṇakti vindate vasu iti // (10.3) Par.?

atha ratham abhipraiti pathas pathaḥ paripatim iti // (11.1) Par.?

atha vidyutstanite saṃtrāsaḥ syāt tam asyaindryāv ṛcau japati yata indra bhayāmahe svastidā viśaspatiḥ iti // (12.1) Par.?

atha karmāntam eva pratipadyate // (13.1) Par.?