Texts

tamaḥśaktyadhikārasya nivṛttes tatparicyutau / (1.1) Par.?

vyanakti dṛkkriyānantyaṃ jagadbandhuraṇoḥ śivaḥ // (1.2) Par.?

yānvimocayati svāpe śivāḥ sadyo bhavanti te / (2.1) Par.?

saṃhṛtau vā samudbhūtāv aṇavaḥ patayo'thavā // (2.2) Par.?

rudramantrapatīśānapadabhājo bhavanti te / (3.1) Par.?

sthitau yānanugṛhṇāti gurumāsthāya cidvataḥ // (3.2) Par.?

yeṣāṃ śarīriṇāṃ śaktiḥ patatyapi nivṛttaye / (4.1) Par.?

teṣāṃ talliṅgam autsukyaṃ muktau dveṣo bhavasthitau // (4.2) Par.?

bhaktiśca śivabhakteṣu śraddhā tacchāsake vidhau / (5.1) Par.?

anenānumitiḥ śiṣṭahetoḥ sthūladhiyāmapi // (5.2) Par.?

paśudṛgyogasiddhānāṃ karmavyaktidvayaṃ samam / (6.1) Par.?

jyeṣṭhādiphalayogyānāṃ sādhikārāsu muktiṣu // (6.2) Par.?

upāyādaravaiśiṣṭyān mṛgyate tattrayaṃ punaḥ / (7.1) Par.?

dvayorvyaktikaraḥ kaścic cyutisiddhivilakṣitaḥ // (7.2) Par.?

īṣadarthanivṛtte tu rodhakatve tamaḥpateḥ / (8.1) Par.?

bhavantyetāni liṅgāni kiṃcicchiṣṭe ca dehinām // (8.2) Par.?

yogyatātrayam apyetat samatītya maheśvaraḥ / (9.1) Par.?

svāpe'ṇumanugṛhṇāti sādhikāramidaṃ yataḥ // (9.2) Par.?

sargamūle tṛtīyāyāṃ svāpavadbhūtasaṃhṛtau / (10.1) Par.?

sa yad vyapāsya kriyate tadvidho yo 'ṇur ucyate // (10.2) Par.?

tathā bījaṃ śarīrādeḥ pācayaty ā niveśanāt / (11.1) Par.?

na yogyatāṅgamabhajat sadyaḥ syādauṣadhādivat // (11.2) Par.?

pākārhamapi tat paktuṃ neśātmānamātmanā / (12.1) Par.?

dharmasāmānya evāyaṃ sarvasya pariṇāminaḥ // (12.2) Par.?

sarvajñaḥ sarvakartṛtvāt sādhanāṅgaphalaiḥ saha / (13.1) Par.?

yo yaj jānāti kurute sa tadeveti susthitam // (13.2) Par.?

tac cāsyāvṛtiśūnyatvān na vyañjakamapekṣate / (14.1) Par.?

tan na sāṃśayikaṃ tasmādviparītaṃ na jātucit // (14.2) Par.?

yāni vyañjakamīkṣante vṛtatvān malaśaktibhiḥ / (15.1) Par.?

vyañjakasyānurodhena tāni syur vyāhatānyapi // (15.2) Par.?

nādhyakṣaṃ nāpi tallaiṅgaṃ na śābdamapi śāṃkaram / (16.1) Par.?

jñānamābhāti vimalaṃ sarvadā sarvavastuṣu // (16.2) Par.?

tadekaṃ viṣayānantyādbhedānantyaṃ prapadyate / (17.1) Par.?

kartṛtvaṃ tadabhinnatvāttadvadevopacārataḥ // (17.2) Par.?

sattāsvarūpakaraṇārthavidheyadṛgbhir leśoditābhiriti ye vidurīśatattvam / (18.1) Par.?

te mocayanti bhavino bhavapaṅkamagnān no vistareṇa puruṣāḥ paśupāśarūpam // (18.2) Par.?