UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5550
- Click on a sentence to show its analysis
- Keep the mouse pointer over a lemma to show its meanings.
gṛhītavidyaḥ pratigrahajayakrayanirveśādhigatair arthair anvayāgatair ubhayair vā gārhasthyam adhigamya nāgarakavṛttaṃ varteta // (1.1)
Par.?
nagare pattane kharvaṭe mahati vā sajjanāśraye sthānam / (2.1)
Par.?
yātrāvaśād vā // (2.2)
Par.?
tatra bhavanam āsannodakaṃ vṛkṣavāṭikāvad vibhaktakarmakakṣaṃ dvivāsagṛhaṃ kārayet // (3.1)
Par.?
bāhye ca vāsagṛhe suślakṣṇam ubhayopadhānaṃ madhye vinataṃ śuklottaracchadaṃ śayanīyaṃ syāt / (4.1)
Par.?
pratiśayyikā ca / (4.2)
Par.?
tasya śirobhāge kūrcasthānam vedikā ca / (4.3)
Par.?
tatra rātriśeṣam anulepanaṃ mālyaṃ sikthakaraṇḍakaṃ saugandhikapuṭikā mātuluṅgatvacastāmbūlāni ca syuḥ / (4.4)
Par.?
bhūmau patadgrahaḥ / (4.5)
Par.?
nāgadantāvasaktā vīṇā / (4.6)
Par.?
citraphalakam / (4.7)
Par.?
vartikāsamudgakaḥ / (4.8)
Par.?
yaḥ kaścit pustakaḥ / (4.9)
Par.?
kuraṇṭakamālāśca / (4.10)
Par.?
nātidūre bhūmau vṛttāstaraṇaṃ samastakam / (4.11)
Par.?
ākarṣaphalakaṃ dyūtaphalakaṃ ca / (4.12)
Par.?
tasya bahiḥ krīḍāśakunipañjarāṇi / (4.13)
Par.?
ekānte ca takṣatakṣaṇasthānam anyāsāṃ ca krīḍānām / (4.14)
Par.?
svāstīrṇā preṅkhādolā vṛkṣavāṭikāyāṃ sapracchāyā / (4.15)
Par.?
sthaṇḍilapīṭhikā ca sakusumeti bhavanavinyāsaḥ // (4.16)
Par.?
daily routine
sa prātar utthāya kṛtaniyatakṛtyaḥ gṛhītadantadhāvanaḥ mātrayānulepanaṃ dhūpaṃ srajam iti ca gṛhītvā dattvā sikthakam alaktakaṃ ca dṛṣṭvādarśe mukham gṛhītamukhavāsatāmbūlaḥ kāryāṇyanutiṣṭhet // (5.1)
Par.?
nityaṃ snānam / (6.1)
Par.?
dvitīyakam utsādanam / (6.2)
Par.?
tṛtīyakaḥ phenakaḥ / (6.3)
Par.?
caturthakam āyuṣyam / (6.4)
Par.?
pañcamakaṃ daśamakaṃ vā pratyāyuṣyam ityahīnam / (6.5)
Par.?
sātatyācca saṃvṛtakakṣāsvedāpanodaḥ / (6.6)
Par.?
pūrvāhṇāparāhṇayor bhojanam / (6.7)
Par.?
sāyaṃ cārāyaṇasya / (6.8)
Par.?
bhojanānantaraṃ śukasārikāpralāpanavyāpārāḥ / (6.9)
Par.?
lāvakakukkuṭameṣayuddhāni / (6.10)
Par.?
tāstāśca kalākrīḍāḥ / (6.11)
Par.?
pīṭhamardaviṭavidūṣakāyattā vyāpārāḥ / (6.12)
Par.?
divāśayyā ca / (6.13)
Par.?
gṛhītaprasādhanasyāparāhṇe goṣṭhīvihārāḥ / (6.14)
Par.?
pradoṣe ca saṃgītakāni / (6.15)
Par.?
tadante ca prasādhite vāsagṛhe saṃcāritasurabhidhūpe sasahāyasya śayyāyām abhisārikāṇāṃ pratīkṣaṇam dūtīnāṃ preṣaṇam svayaṃ vā gamanam / (6.16)
Par.?
āgatānāṃ ca manoharair ālāpair upacāraiśca sasahāyasyopakramāḥ / (6.17)
Par.?
varṣapramṛṣṭanepathyānāṃ durdinābhisārikāṇāṃ svayam eva punar maṇḍanam mitrajanena vā paricaraṇam ityāhorātrikam // (6.18)
Par.?
ghaṭānibandhanam goṣṭhīsamavāyaḥ samāpānakam udyānagamanam samasyāḥ krīḍāśca pravartayet / (7.1)
Par.?
pakṣasya māsasya vā prajñāte ahani sarasvatyā bhavane niyuktānāṃ nityaṃ samājaḥ / (7.2)
Par.?
kuśīlavāścāgantavaḥ prekṣaṇakam eṣāṃ dadyuḥ / (7.3)
Par.?
dvitīye ahani tebhyaḥ pūjā niyataṃ labheran / (7.4)
Par.?
tato yathāśraddham eṣāṃ darśanam utsargo vā / (7.5)
Par.?
vyasanotsaveṣu caiṣāṃ parasparasyaikakāryatā / (7.6)
Par.?
āgantūnāṃ ca kṛtasamavāyānāṃ pūjanam abhyupapattiśca / (7.7)
Par.?
iti gaṇadharmaḥ / (7.8)
Par.?
etena taṃ taṃ devatāviśeṣam uddiśya saṃbhāvitasthitayo ghaṭā vyākhyātāḥ // (7.9)
Par.?
goṣṭhī (def.)
veśyābhavane sabhāyām anyatamasyodavasite vā samānavidyābuddhiśīlavittavayasāṃ saha veśyābhir anurūpair ālāpair āsanabandho goṣṭhī / (8.1)
Par.?
tatra caiṣāṃ kāvyasamasyā kalāsamasyā vā / (8.2)
Par.?
tasyām ujjvalā lokakāntāḥ pūjyāḥ / (8.3)
Par.?
prītisamānāś cāhāritāḥ // (8.4)
Par.?
parasparabhavaneṣu cāpānakāni // (9.1)
Par.?
tatra madhumaireyasurāsavān vividhalavaṇaphalaharitaśākatiktakaṭukāmlopadaṃśān veśyāḥ pāyayeyur anupibeyuśca / (10.1)
Par.?
etenodyānagamanaṃ vyākhyātam // (10.2)
Par.?
pūrvāhṇa eva svalaṃkṛtāsturagādhirūḍhā veśyābhiḥ saha paricārakānugatā gaccheyuḥ / (11.1)
Par.?
daivasikīṃ ca yātrāṃ tatrānubhūya kukkuṭayuddhadyūtaiḥ prekṣābhir anukūlaiśca ceṣṭitaiḥ kālaṃ gamayitvā aparāhṇe gṛhītatadudyānopabhogacihnāstathaiva pratyāvrajeyuḥ / (11.2)
Par.?
etena racitodgrāhodakānāṃ grīṣme jalakrīḍāgamanaṃ vyākhyātam // (11.3)
Par.?
yakṣarātriḥ / (12.1)
Par.?
kaumudījāgaraḥ / (12.2)
Par.?
suvasantakaḥ // (12.3)
Par.?
sahakārabhañjikā abhyūṣakhādikā bisakhādikā navapattrikā udakakṣveḍikā pāñcālānuyānam ekaśālmalī kadambayuddhāni tāstāśca māhimānyo deśyāśca krīḍā janebhyo viśiṣṭam ācareyuḥ / (13.1)
Par.?
iti sambhūya krīḍāḥ // (13.2)
Par.?
ekacāriṇaśca vibhavasāmarthyād gaṇikāyā nāyikāyāśca sakhībhir nāgarakaiśca saha caritam etena vyākhyātam // (14.1)
Par.?
avibhavastu śarīramātro mallikāphenakakaṣāyamātraparicchadaḥ pūjyād deśād āgataḥ kalāsu vicakṣaṇastadupadeśena goṣṭhyāṃ veśocite ca vṛtte sādhayed ātmānam iti pīṭhamardaḥ // (15.1)
Par.?
bhuktavibhavastu guṇavān sakalatro veśe goṣṭhyāṃ ca bahumatas tadupajīvī ca viṭaḥ // (16.1)
Par.?
ekadeśavidyastu krīḍanako viśvāsyaśca vidūṣakaḥ / (17.1)
Par.?
vaihāsiko vā / (17.2)
Par.?
ete veśyānāṃ nāgarakāṇāṃ ca mantriṇaḥ saṃdhivigrahaniyuktāḥ // (17.3)
Par.?
tair bhikṣukyaḥ kalāvidagdhā muṇḍā vṛṣalyo vṛddhagaṇikāśca vyākhyātāḥ // (18.1)
Par.?
grāmavāsī ca sajātān vicakṣaṇān kautūhalikān protsāhya nāgarakajanasya vṛttaṃ varṇayañ śraddhāṃ ca janayaṃstad evānukurvīta / (19.1) Par.?
goṣṭhīśca pravartayet / (19.2)
Par.?
saṃgatyā janam anurañjayet / (19.3)
Par.?
karmasu ca sāhāyyena cānugṛhṇīyāt / (19.4)
Par.?
upakārayecca / (19.5)
Par.?
iti nāgarakavṛttam // (19.6)
Par.?
nātyantaṃ saṃskṛtenaiva nātyantaṃ deśabhāṣayā / (20.1)
Par.?
kathāṃ goṣṭhīṣu kathayaṃlloke bahumato bhavet // (20.2)
Par.?
yā goṣṭhī lokavidviṣṭā yā ca svairavisarpiṇī / (21.1)
Par.?
parahiṃsātmikā yā ca na tām avatared budhaḥ // (21.2)
Par.?
lokacittānuvartinyā krīḍāmātraikakāryayā / (22.1)
Par.?
goṣṭhyā sahacaran vidvāṃlloke siddhiṃ niyacchati // (22.2)
Par.?
Duration=0.21492695808411 secs.